سپەكتاكلدىڭ دايىندىق جۇمىستارى
ءسوز زەرگەرى عابيت مۇسىرەپوۆتىڭ «قوزى كورپەش – بايان سۇلۋى» - قازاق دراماتۋرگياسىنداعى ەرەكشە قۇبىلىس ەكەنى ءسوزسىز.
ءوزىنىڭ 50 جىلدىق تاريحىندا قازاقستان عانا ەمەس, الىس-جاقىن شەتەلدەرگە تانىمال بولعان «Bayan Sulu» برەندى حالقىمىزدىڭ باي مادەني مۇراسىن وندىرىستىك باعدارىنا ارقاۋ ەتىپ كەلەدى. «بايان سۇلۋ» اق باسقارما توراعاسى-پرەزيدەنتى تيمۋر سادىقوۆتىڭ ايتۋىنشا, «قوزى كورپەش – بايان سۇلۋ» سپەكتاكلىنە دەمەۋشىلىك جاساۋ – ۇلتتىق جانە مادەني قۇندىلىقتارىمىزدى قولداۋعا, ناسيحاتتاۋعا بارىنشا ىقپال ەتەدى.
«سپەكتاكلدىڭ جارىققا شىعۋىنا دەمەۋشىلىك جاساۋ ارقىلى قوعامدى ەل تاريحىنىڭ ماڭىزدى كەزەڭدەرىنە نازار اۋدارۋعا ۇندەيمىز. بۇل اڭىز -ماحابباتتى جانە دانالىقتى, ەرلىك پەن شىدامدىلىقتى دارىپتەيتىن ۇلتتىق قۇندىلىقتىڭ جارقىن ۇلگىسى. قويىلىم كورەرمەنىن قۋانتىپ قانا قويماي, XIII-XIV عاسىرلارداعى قازاقتىڭ ليرو-ەپوستىق جىرى ارقىلى ۇلتتىق رۋحقا بويلاۋعا مۇمكىندىك بەرەدى. ال تاڭداۋ نەلىكتەن م.اۋەزوۆ اتىنداعى قازاق ۇلتتىق دراما تەاترىنا ءتۇستى دەگەنگە كەلەر بولساق, ونەر ورداسىنىڭ وتكەنى دە, بۇگىنى دە ەلىمىزدىڭ مادەني ومىرىمەن استاسىپ جاتىر. م. اۋەزوۆ اتىنداعى تەاتر - ەلىمىزدەگى ماڭىزدى مادەني ورتالىق قانا ەمەس, ەڭ جوعارى دارەجەدەگى ونەر تۋىندىلارىمەن تامساندىراتىن, مەلپومەنانى قۇرمەت تۇتاتىن كورەرمەننىڭ ورتاسى. تەاترعا قولداۋ كورسەتۋ ارقىلى جاستار اراسىندا ۇلتتىق مەرەكە يدەياسىن بارىنشا ناسيحاتتايمىز, ءداستۇر مەن تاريحىمىزعا دەن قويعىمىز كەلەدى. قازاقستاندا كونديتەرلىك ونىمدەر شىعاراتىن بىردەن-ءبىر ۇلتتىق ءوندىرۋشى – «بايان سۇلۋ» كومپانياسى وسىنداي دەمەۋشىلىگى ارقىلى حالقىمىزدىڭ مادەني مۇراسىن ساقتاۋعا ۇلەس قوسپاق», دەيدى كومپانيا پرەزيدەنتى.
م.اۋەزوۆ اتىنداعى قازاق ۇلتتىق دراما تەاترىنىڭ ديرەكتورى, قازاقستاننىڭ ەڭبەك سىڭىرگەن قايراتكەرى ەركىن جۋاسبەك «بايان سۇلۋ» كومپانياسىمەن ىنتىماقتاستىق قارا شاڭىراقتىڭ 100 جىلدىعى قارساڭىندا اتقارىلاتىن ءىس-شارالارمەن ساباقتاسىپ جاتقانىن جەتكىزدى.
ء«جۇز جىلدىق قارساڭىندا قازاق تەاترىنىڭ, تەاتر ونەرىنىڭ وركەندەۋىنە ۇلەس قوسقان كلاسسيكالىق شىعارمالاردى تۇگەندەۋدى ماقسات ەتىپ وتىرمىز. ۇلتتىق تەاتر ونەرىنىڭ دامۋىنا زور ۇلەس قوسقان مۇحتار اۋەزوۆ, عابيت مۇسىرەپوۆ, ءىلياس جانسۇگىروۆ سياقتى ۇلكەن ابىزدارىمىزدىڭ, سولار جاساعان قازاق دراماتۋرگياسىنىڭ وزىق ۇلگىلەرىن قايتا تۇگەندەپ, حالىقپەن قاۋىشتىرماقپىز. حالقىمىز وتكەنىن اڭىز, جىرلارىنا, ليرo-ەپوستىق شىعارمالارىنا ارقاۋ ەتتى. وسىنداي اۋقىمدى جاۋھار دۇنيەمىزدىڭ ءبىرى – «قوزى كورپەش – بايان سۇلۋ» سپەكتاكلىنىڭ ساحنالانۋىنا ۇلكەن ءوندىرىس ورنى «بايان سۇلۋ» كومپانياسى قولداۋ ءبىلدىرىپ وتىر. شىن مانىندە بۇل شىعارمانى ساحناعا الىپ شىعۋداعى ماقسات ءبىر-بىرىنە دەگەن سىيلاستىعى, سۇيىسپەنشىلىگى, قوزى مەن اناسىنىڭ اراسىنداعى كەرەمەت قارىم-قاتىناس تا بۇگىنگى جاستار بويىندا بولسا ەكەن دەگەن ماقساتتتان تۋىنداپ وتىر», دەپ اتاپ ءوتتى ە.جۋاسبەك.
سپەكتاكلدىڭ رەجيسسەرى, كوپتەگەن شىعارماشىلىق قويىلىمدارىمەن تانىلعان, پەداگوگ, قازاقستاننىڭ ونەر قايراتكەرى – اۋباكىر راحيموۆ.
«قازىرگى كەزدە سپەكتاكلگە تەاترىمىزدىڭ اعا بۋىن اكتەرلەرى بەكجان تۇرىس, باقتيار قوجا, قوزى مەن باياننىڭ انالارى بولىپ وينايتىن كۇنسۇلۋ شاياحمەتوۆا, شىنار اسقاروۆا, جاس اكتەر ماعجان اساۋباەۆ پەن بىرنەشە ۇلكەن ءرولدى ساحنالاعان ينديرا قۇلماعانبەت, ساحنا ءسانى بولىپ جۇرگەن تاعى دا باسقا جاس بۋىن دايىندىق ۇستىندە. وسىلايشا كورەرمەن تاياۋ كۇندەردە بيزنەس پەن ونەر ۇيلەسىمىنىڭ اراسىندا جاۋھار تۋىندىنى كورەرمەنگە جارق ەتكىزىپ كورسەتۋدىڭ ءساتى تۋماقشى. شىن مانىسىندە حالىققا جاقسى دۇنيە كورسەتۋ ارقىلى ءوندىرىس ورىندارىنىڭ وكىلدەرى ۇلت رۋحانياتىنىڭ, مادەني بايلىعىنىڭ دەمەۋشىسى بولا الادى», دەيدى تەاتر ديرەكتورى.
ە.جۋاسبەكتىڭ ايتۋىنشا, سپەكتاكلدىڭ الداعى 15 ساۋىردە كورسەتىلۋى دە جايدان-جاي ەمەس. جاستارىمىز «قوزى مەن بايان» عاشىقتار كۇنىن اتاپ وتسە دەگەن ىزگى نيەتپەن سول كۇنگە جوسپارلانىپ وتىر.
بۇگىندە الەم ەلدەرى ءوز تامىرىنا ورالىپ, ءار حالىق ءوز بولمىسىنا قاراي جاقىنداي تۇسۋدە. مەملەكەت باسشىسى ق.توقاەۆ سەنات سپيكەرلىگى تۇسىندا ۇلتتىق قۇندىلىقتاردى دارىپتەۋ ماقساتىندا «اۋليە ۆالەنتين كۇنى» ەلىمىزدىڭ بولمىسىنا جات ءارى سالت-داستۇرىنە مۇلدەم قاراما-قايشى ۇعىم ەكەنى, سونى جاستاردىڭ ءتۇسىنۋى قاجەتتىگىن ايتقان بولاتىن. وسى ماعىنالى ءسوزدىڭ قوعامدا «قوزى كورپەش – بايان سۇلۋ» كۇنىن اتاپ ءوتۋ تۋرالى ءتۇرلى باستامالارعا تۇرتكى بولعانى دا بەلگىلى.
ايتا كەتەتىن باستى ماسەلە, «بايان سۇلۋ» كومپانياسى قازاقستاندا ءبىلىم بەرۋ, ونەر, سپورت جانە قايىرىمدىلىقتى دامىتۋعا باعىتتالعان جوبالاردى قولداپ كەلەدى. «توبىل» باسكەتبول كلۋبى, بياتلون قۇراماسى, شاحماتشى ءبيبىسارا اساۋباەۆانىڭ ءتۋرنيرى, سونداي-اق كوپتەگەن دارىن يەسى كومپانيا تاراپىنان تۇراقتى قولداۋعا يە. مىسالى, شاۆكات راحمونوۆقا دەمەۋ كورسەتكەن ۋاقىتتا ول UFC دەڭگەيىندە العاشقى قادامدارىن جاساعان جەكپە-جەك جۇلدىزى بولاتىن.
الماتى
