فوتو: polisia.kz
«ولار ءتيىستى وقىتۋ ساباقتارىن جانە كولىك باسقارۋىن تاجىريبە جۇزىندە تەكسەرمەستەن, اقشالاي سىياقى ءۇشىن جۇرگىزۋشى كۋالىكتەرىن زاڭسىز بەرۋمەن ۇزاق ۋاقىت بويى اينالىسقان. قىلمىستىق سحەماعا حقكو قىزمەتكەرلەرى جانە جوعارىدا اتالعان وڭىرلەردەن جۇرگىزۋشى كۋالىگىن العىسى كەلەتىن كليەنتتەردى ىزدەۋمەن اينالىسقان «كومەكشىلەر» كىرگەن. قۇجاتتار تاراز قالاسىنىڭ حالىققا قىزمەت كورسەتۋ ورتالىقتارىندا راسىمدەلىپ, بەرىلگەن. وسى جىلى 12 اقپاندا جوعارىدا اتالعان وڭىرلەردە كۇدىكتىلەردىڭ جۇمىس ورىندارى مەن تۇرعىلىقتى جەرلەرى بويىنشا ۇستاۋ جانە تەرگەۋ ءىس-شارالارى جۇرگىزىلدى. ونىڭ ىشىندە حالىققا قىزمەت كورسەتۋ ورتالىقتارىنىڭ باسشىلارى مەن لاۋازىمدى ادامدارى ۇستالدى», دەلىنگەن اقپاراتتا.
تەرگەۋ ارەكەتى جۇرگىزىلىپ, جۇرگىزۋشى كۋالىگىن زاڭسىز بەرۋدىڭ 35 دەرەگى انىقتالعان. قىلمىستىق سحەمانى ۇيىمداستىرۋشىلار جانە ونى جۇزەگە اسىرۋشىلار ۋاقىتشا ۇستاۋ يزولياتورىنا قامالدى.
