فوتو: tengrinews.kz
سينوپتيكتەردىڭ مالىمەتىنشە, ەلىمىزدە اۋا تەمپەراتۋراسىنىڭ قۇبىلۋى كۇتىلەدى.
«13-14 اقپاندا فرونتالدى ۋچاسكەلەردىڭ وتۋىمەن قازاقستاننىڭ باسىم بولىگىندە تۇراقسىز اۋا رايى ساقتالادى, جاڭبىر مەن قار تۇرىندەگى جاۋىن-شاشىن كۇتىلەدى, سولتۇستىك وبلىستاردا قار جاۋادى, بۇرقاسىن, كوكتايعاق بولادى. سونداي-اق باتىستا اۋا تەمپەراتۋراسى -5+5°س, سولتۇستىك, ورتالىق شىعىس وبلىستاردا -5+2 گرادۋسقا دەيىن كوتەرىلەدى», دەپ حابارلادى «قازگيدرومەت» رمك.
بولجام بويىنشا, 15 اقپاندا قازاقستان اۋماعىنان تسيكلون شىعادى, ونىڭ ورنىن قارسىز اركتيكالىق انتيتسيكلون باسادى, ال ونىڭ اسەرىنەن رەسپۋبليكانىڭ سولتۇستىك جارتىسىنا ايازدى اۋا رايى قايتا ورالادى.
«ەلدىڭ باتىسىندا, سولتۇستىك-باتىسىندا جانە سولتۇستىگىندە 15 اقپانعا قاراي اۋا تەمپەراتۋراسى تۇندە -22-32°س, كۇندىز -15-27°س دەيىن تومەندەيدى», دەلىنگەن حابارلامادا.
