ازاماتتارعا جۇمىس ورنىن ۇسىنۋشى ىرگەلى ۇجىمنىڭ ءبىرى – «قازاقستان تەمىر جولى» ۇك» اق. ۇلتتىق كومپانيانىڭ الەۋمەتتىك ساياساتى ارداگەرلەر مەن جاستاردى قولداۋدان باستاپ تەمىرجولشىلار تۇراتىن سونداي-اق جۇمىس ىستەيتىن ەلدى مەكەندەردە الەۋمەتتىك ينفراقۇرىلىمدى دامىتۋعا دەيىنگى باعىتتاردىڭ كەڭ اۋقىمىن قامتيدى. وڭىرلەردە ءومىر سۇرۋگە قولايلى جاعداي جاساۋعا ەرەكشە كوڭىل بولىنەدى. سونىمەن «Wabtec» كومپانياسىمەن بىرلەسىپ سەكسەۋىل مەن شالقاردا شىعارماشىلىق ورتالىق پەن ونەر مەكتەبىن سالۋ باعىتىندا اۋقىمدى جوبالار ىسكە اسىرىلىپ وتىر. جاركەنتتە التىنكول – جەتىگەن تەمىر جول ۋچاسكەسىن جاڭعىرتۋ اياسىندا «قازاقستان تەمىر جولى» ۇك» اق وبلىس اكىمدىگىمەن بىرلەسىپ جانە «تەمىرجول جوندەۋ» جشس كومەگىمەن سالعان 140 ورىندىق بالاباقشا اشىلدى. بۇل نىساندار جۇمىسشىلار مەن وتباسىلارىنىڭ ءومىر ءسۇرۋ ساپاسىن جاقسارتىپ قانا قويماي, ەلدى مەكەندەردىڭ الەۋمەتتىك ينفراقۇرىلىمىن دامىتۋعا ىقپال ەتەدى.
سالا ارداگەرلەرىن قولداۋ ماڭىزدى باعىتتىڭ ءبىرى. بۇگىندە كومپانيا 45 مىڭنان استام زەينەتكەرگە مەديتسينالىق كومەك, ساناتورلى-كۋرورتتىق ەمدەۋ جانە مەرەيتويلىق تولەمدەردى قوسقاندا الەۋمەتتىك قولداۋ كورسەتىپ كەلەدى. قتج ارداگەرلەر كەڭەسى مەن ارداگەرلەردىڭ كونسۋلتاتيۆتىك كەڭەسى ارقىلى ۇرپاقتار بايلانىسى ساقتالۋدا, ال ارداگەرلەردىڭ كاسىبي تاجىريبەسى جاس مامانداردى دايارلاۋدا سۇرانىسقا يە. جۇمىسشىلاردىڭ وتباسىلارىنا قولداۋ ءبىلدىرۋ ءاردايىم نازاردا. بيىل قتج بالالاردى ساۋىقتىرۋ لاگەرلەرىنە تەگىن جول جۇرۋىمەن 7 372 جولداما ساتىپ الدى. جالعىزباستى اتا-انالارعا اتاۋلى كومەك كورسەتىلەدى, مەكتەپ تۇلەكتەرىنىڭ اتا-انالارىنا قوسىمشا اقىلى دەمالىس كۇندەرى بەرىلەدى. داستۇرگە اينالعان بالالاردى قورعاۋ كۇنىنە وراي اۋقىمدى ءىس-شارالار وتكىزىلەدى. بيىل قتج باسقارما توراعاسىنىڭ تاپسىرماسىمەن شالعاي ستانسالاردا تۇراتىن تەمىرجولشىلاردىڭ كوپبالالى وتباسىلارىنان شىققان ءجۇز بالا زياتكەرلىك جانە شىعارماشىلىق دامۋعا, سونداي-اق بەلسەندى دەمالىسقا ىقپال ەتەتىن ۆەلوسيپەدتەر, LEGO كونسترۋكتورلارى جانە باسقا دا دامىتۋشى جيىنتىقتار الدى.
ەلدىڭ بارلىق وڭىرىندە بالالارى وقۋدا, سپورتتا جانە شىعارماشىلىقتا ەلەۋلى ناتيجەلەرگە قول جەتكىزگەن قىزمەتكەرلەردىڭ وتباسىلارىن قۇتتىقتاۋ ۇيىمداستىرىلدى. وسكەلەڭ ۇرپاقتى قولداۋ كاسىپتىك باعدار بەرۋ جۇمىسىن دا قامتيدى. كومپانيا مەكتەپ وقۋشىلارى مەن ستۋدەنتتەردى تەمىرجول ماماندىقتارىمەن تانىستىرا وتىرىپ, وندىرىستىك نىساندار مەن سالالىق مۇراجايعا ەكسكۋرسيالار ۇيىمداستىرادى. بيىل قتج ورتالىق مۋزەيىنە 400-دەن استام جوعارى سىنىپ وقۋشىلارى مەن كوللەدج ستۋدەنتتەرى كەلدى. بالالاردىڭ شىعارماشىلىق جانە زياتكەرلىك الەۋەتىن دامىتۋ ماڭىزدى ورىن الادى. كومپانيادا تەمىرجول كاسىپتەرىن تانىمال ەتۋگە جانە ۇرپاقتار ساباقتاستىعىن نىعايتۋعا ىقپال ەتەتىن «تەمىرجول بالالار كوزىمەن» تاقىرىبىندا بەينەكونكۋرستارى مەن شىعارماشىلىق بايقاۋ وتكىزىلەدى.
وسى جىلى كومپانيا تەمىرجول سالاسىنا قىزىعۋشىلىعى جوعارى 6 جاسار ءانۋار ءابساتتاروۆ پەن 11 جاسار ءامىر جانعاليەۆتىڭ تىلەگىن ورىنداپ, ولاردى لوكوموتيۆ كابيناسىندا ساپارلاۋعا مۇمكىندىك جاسادى جانە دەپولاردى ارالاتىپ ەكسكۋرسيالار ۇيىمداستىردى. سونىمەن قاتار قتج 100 جاس سپورتشى-تەمىرجولشى اراسىندا شاعىن فۋتبولدان رەسپۋبليكالىق تۋرنير وتكىزدى.
جاس كادرلاردى دايارلاۋ دا ماڭىزدى. جاستار ساياساتىنىڭ 2023–2026 جىلدارعا ارنالعان باعدارلاماسى شەڭبەرىندە جاس قىزمەتكەرلەردىڭ كاسىبي جانە باسقارۋشىلىق قۇزىرەتتەرىن دامىتۋعا باعىتتالعان جوبالاردى ىسكە اسىرىپ جاتىر. ولاردىڭ قاتارىندا «قتج-نىڭ 100 جاس ەسىمى» جاس مامانداردى دامىتۋ باعدارلاماسى, «جاس ۇزدىك مامان» كاسىبي شەبەرلىك كونكۋرسى, «تەمىرجول بىلگىرلەرى» ينتەللەكتۋالدى ليگاسى, «مويا PROFەسسيا» جانە «Zaman AI» كونكۋرستارى, سونداي-اق كۆن كورپوراتيۆتىك قوزعالىسى جانە «گالستۋكOFF» مەديا جوباسى بار. بۇقارالىق سپورتتى دامىتۋ سونىمەن قاتار كومپانيانىڭ الەۋمەتتىك ساياساتىنىڭ باسىم باعىتىنىڭ ءبىرى. بيىلعى قاڭتار-مامىر ايلارى ارالىعىندا 9,2 مىڭنان استام جۇمىسشى سپورت سەكتسيالارىندا جاتتىعۋلارمەن قامتىلدى. 7,1 مىڭنان استام ادامنىڭ قاتىسۋىمەن 197 سپورتتىق ءىس-شارا وتكىزىلدى. كومپانيا قىزمەتكەرلەرى حالىقارالىق جارىستاردا قتج مەن ەل اتىنان وڭ ناتيجە كورسەتىپ كەلەدى. سونىمەن قاتار كورپوراتيۆتىك ۆولونتەرلىك بەلسەندى دامىپ وتىر. تەمىرجولشىلار قايىرىمدىلىق جانە ەكولوگيالىق اكتسيالارعا قاتىسىپ, ارداگەرلەر مەن زەينەتكەرلەرگە جاردەمدەسەدى, الەۋمەتتىك مەكەمەلەرگە قولداۋ كورسەتەدى جانە وڭىرلىك ءوزارا كومەك جوبالارىن جۇزەگە اسىرادى. وتكىزىلگەن ءىس-شارالاردىڭ قاتارىندا – استاناداعى پاراليمپيادالىق ورتالىقتى قولداۋ, قاراعاندىدا «قۇستارعا كومەكتەسەمىز» ەكولوگيالىق اكتسياسى, رامازان ايىندا ورازا ۇستاۋشىلارعا قۇرما مەن سۋ تاراتۋ, «جۇرەكتەن جۇرەككە» جانە «جاقسىلىق جاساپ جارىسايىق» وڭىرلىك يگى ىستەر مارافوندارى, سونداي-اق اتاۋلى الەۋمەتتىك-تۇرمىستىق كومەك كورسەتۋ جانە ارداگەرلەر مەن زەينەتكەرلەرگە ازىق-ت ۇلىك سەبەتتەرىن تاپسىرۋ سىندى يگى ءىس بار.
تاجىريبە كورسەتكەندەي, بۇگىندە ءىرى جۇمىس بەرۋشىنىڭ الەۋمەتتىك جاۋاپكەرشىلىگى ەڭبەك ۇجىمى الدىنداعى مىندەتتەمەلەردى ورىنداۋ شەڭبەرىنەن اسىپ تۇسەدى. ءسوز ادام كاپيتالىن دامىتۋعا جاعداي جاساۋ, الەۋمەتتىك تۇراقتىلىقتى نىعايتۋ جانە ادامداردىڭ ءومىر ءسۇرۋ ساپاسىن ارتتىرۋ تۋرالى بولىپ وتىر. سوندىقتان دا قتج-نىڭ الەۋمەتتىك جوبالارى كورپوراتيۆتىك ساياساتتىڭ ءبىر بولىگى عانا ەمەس, سونىمەن قاتار ەلدىڭ تۇراقتى دامۋىنا قوسقان ۇلەسى سانالادى.
