فوتو: Threads
وقيعا Threads الەۋمەتتىك جەلىسىندە جاريالانعان جازبادان كەيىن كەڭىنەن تالقىلاندى. جەرگىلىكتى تۇرعىن مەكتەپ ماڭىنداعى اۋماقتىڭ سۋرەتتەرىن جاريالاپ, وندا ۇزاق ۋاقىت بويى قوقىس جينالىپ قالعانىن مالىمدەگەن. ال اكىمدىك قىزمەتكەرى اتالعان اۋماقتا تازالىق جۇمىستارى جۇرگىزىلگەنىن جازىپ, جاساندى ينتەلەكتىمەن وڭدەلگەن فوتو-ەسەپ جولداعان.
اكىمدىك مالىمەتىنشە, قىزمەتكەر ءوز كىناسىن مويىنداعاندىقتان, قىزمەتتىك تەكسەرۋ جۇرگىزىلمەگەن.
«مەملەكەتتىك قىزمەتشى جىبەرگەن زاڭبۇزۋشىلىعىن مويىنداعاندىقتان, اتالعان فاكتى بويىنشا قىزمەتتىك تەكسەرۋ جۇرگىزىلمەدى. سونىمەن قاتار قىزمەتكەرمەن ەڭبەك شارتى بۇزىلىپ, ونىڭ مەملەكەتتىك ورگانمەن قىزمەتتىك قاتىناستارى توقتاتىلدى», دەپ حابارلادى الماتى اكىمدىگىنىڭ ءباسپاسوز قىزمەتى.
جەزقازعاندا كارىز كوللەكتورىن تازالاۋ كەزىندە جۇمىسشى قازا تاپتى
ەسكە سالا كەتەيىك, بۇعان دەيىن الەۋمەتتىك جەلىلەردە تارازدا پاترۋلدىك پوليتسيا قىزمەتكەرلەرى سارىسۋ اۋدانى اكىمشىلىك پوليتسيا ءبولىمىنىڭ باسشىسىن توقتاتقان ۆيدەو تارادى. الدىن الا مالىمەت بويىنشا, ول كولىكتى ماس كۇيدە باسقارۋى مۇمكىن دەگەن كۇدىك بار. جامبىل وبلىسى پوليتسيا دەپارتامەنتى كۇدىكتى قىزمەتكەردىڭ قۇقىقبۇزۋشىلىق جاساعانى دالەلدەنسە, ىشكى ىستەر ورگاندارىنان تەرىس سەبەپتەرمەن جۇمىستان شىعارىلاتىنىن مالىمدەدى.
