فوتو: polisia.kz
«وتكەن جىلدان بەرى ەل اۋماعىندا اۋىر جانە اسا اۋىر قىلمىستار جاسادى دەپ كۇدىكتەلگەن ۇيىمداسقان قىلمىستىق توپتاردىڭ 19 كوشباسشىسى مەن بەلسەندى مۇشەcى ۇستالدى. 7 اقپاندا الماتى جانە شىمكەنت قالالارىنىڭ اۋماعىندا ءىىم ۇيىمداسقان قىلمىسقا قارسى كۇرەس بولىنىستەرىنىڭ قىزمەتكەرلەرى ۇزاق ۋاقىت بويى قىلمىستىق قۋدالاۋ ورگاندارىنان جاسىرىنىپ جۇرگەن قاڭتار وقيعاسىنىڭ ەكى قاتىسۋشىسىن ۇستادى. ولار جۇماگەلديەۆ ۇيىمداستىرعان قىلمىستىق توپتىڭ مۇشەلەرى بولىپ شىقتى», دەپ جازىلعان اقپاراتتا.
ۇستالعانداردىڭ ءبىرى سامات امىرباەۆ 2022 جىلى شىمكەنتتە كىسى ولتىرۋگە جانە سول قالانىڭ باسقا تۇرعىنىنا قاتىستى وزىنشە بيلىك ەتۋگە قاتىسى بار دەگەن كۇدىككە ىلىنگەن. ول تۇركىستان وبلىسىنىڭ اۋماعىندا ۇستالدى. ونىڭ كىسى ءولتىرۋ فاكتىسى بويىنشا سىبايلاستارىنىڭ ءبىرى 16 جىلعا سوتتالىپ, قازىرگى ۋاقىتتا باس بوستاندىعىنان ايىرۋ ورنىندا جازاسىن وتەپ جاتىر.
«ۇيىمداسقان قىلمىستىق توپتىڭ ەكىنشى مۇشەسى الماتى اۋەجايىندا شەكارالاس ەلدىڭ اۋماعىنان كەلگەننەن كەيىن ۇستالدى. وندا ول قازاقستاننىڭ قۇقىق قورعاۋ ورگاندارىنان جاسىرىنعان. ۇستالعان ادامدار ۋاقىتشا ۇستاۋ يزولياتورىنا قامالدى», دەدى ءىىم ۇيىمداسقان قىلمىسقا قارسى كۇرەس دەپارتامەنتىنىڭ باسقارما باستىعى قۋاندىق الپىس.
