«ءبارىن باۋىزداپ تاستاعان». زاڭسىز كيىك اتقاندار ۇستالدى

6 اقپان كۇنى ساعات 22:30 شاماسىندا قىزىلوردا قالاسى پوليتسيا باسقارماسىنىڭ پاترۋلدىك پوليتسيا قىزمەتكەرلەرى «براكونەر» ءىس-شاراسى اياسىندا جەزقازعان – قىزىلوردا تاسجولىندا Toyota Hilux جانە Toyota land cruiser اۆتوكولىكتەرىن توقتاتپاقشى بولعان. الايدا كۇدىكتىلەر پوليتسيانىڭ توقتاتۋ تۋرالى زاڭدى تالابىنا باعىنباي, بوي تاسالاعىسى كەلدى. ءتارتىپ ساقشىلارى كۇدىكتىلەردى ۇستادى. وقيعا ورنىنا جەتكەن جەدەل تەرگەۋ توبى تەكسەرۋ بارىسىندا Toyota Hilux اۆتوكولىگىنەن 29 باس, Toyota land cruiser اۆتوكولىگىنەن 47 باس كيىكتىڭ ۇشاسىن, سونىمەن قاتار Toyota Hilux اۆتوكولىگىنەن 9 دانا 12 كاليبرلى وق ءدارىنى انىقتاپ, تاركىلەدى.اتالعان دەرەك بويىنشا ۇستالعان 35 جانە 28 جاستاعى قالا تۇرعىندارىنا قاتىستى سوتقا دەيىنگى تەرگەپ-تەكسەرۋ ارەكەتتەرى جۇرگىزىلىپ جاتىر. قازىرگى تاڭدا ءتيىستى سوت ساراپتامالارى تاعايىندالىپ, ولارعا قاتىستى بۇلتارتپاۋ شاراسى شەشىلۋدە.

«براكونەر» جەدەل-پروفيلاكتيكالىك ءىس-شاراسى بارىسىندا تابيعات قورعاۋ زاڭناماسىنىڭ 2 دەرەگى انىقتالدى. بۇدان بولەك 9 كيىك ۇشاسىنىڭ الىنۋ دەرەكتەرى بويىنشا دا تەرگەپ-تەكسەرۋ ارەكەتتەرى جۇرگىزىلىپ جاتىر.