فوتو: ارتەم چۋرسينوۆ
International Woman's Day (IWD) جاھاندىق باستاماسى ۆاكتسينا جاسايتىن اسا كورنەكتى ايەلدەردىڭ ءتىزىمىن ۇسىندى.
ۇيىمنىڭ پىكىرىنشە, سارا گيلبەرت (AstraZeneca), كاترين يان ەە (Pfizer), كيزمەكيا كوربە (Moderna), ەلەنا سموليارچۋك (SputnikV), سۋماتي كەي (Covaxin India), حەنەكە شۋتمەكەر (Johnson&Johnson) جانە وزلەم تۋرەچي (BioNTech) پاندەميامەن كۇرەسۋگە ايتارلىقتاي ۇلەس قوسقان. بۇل تۋرالى Techcollectivesea باسىلىمى جازدى.
ايتا كەتسەك, قازاقستاندا ازىرلەنگەن QazVac (QazCovid-in) ۆاكتسيناسى تازارتىلعان, كونتسەنتراتسيالانعان, بەلسەندىلىگى جويىلعان ۆاكتسينا سانالادى. اتالمىش ۆاكتسينانى ازىرلەۋ تەحنولوگياسى ۋاقىتپەن سىنالعان, ونىڭ بارلىق كومپونەنتتەرى سەنىمدى, ويتكەنى ولار باسقا ۆاكتسينالاردى ازىرلەۋ كەزىندە ماقۇلدانعان. ونىڭ تيىمدىلىگى, زەرتتەۋلەر مەن قولدانۋ تاجىريبەسىنە سايكەس 90%-دان جوعارى.
ەسكە سالايىق, جۋىردا كۇنسۇلۋ زاكاريا قازاقستان رەسپۋبليكاسى پرەزيدەنتىنىڭ عىلىم جانە تەحنولوگيالار جونىندەگى كەڭەسشىسى قىزمەتىنە تاعايىندالدى.
