پرەمەر-مينيستر لاۋازىمىنا ۇسىنىلعان ولجاس بەكتەنوۆ كىم؟

«Amanat» ۇسىنعان كانديدات كىم, بۇعان دەيىن قانداي قىزمەتتەر اتقاردى؟

ولجاس بەكتەنوۆ 1980 جىلى الماتى قالاسىندا دۇنيەگە كەلگەن. كەيىنگى رەت 2023 جىلدىڭ 3 ساۋىرىنەن باستاپ مەملەكەت باسشىسىنىڭ جارلىعىمەن قازاقستان رەسپۋبليكاسى پرەزيدەنتى اكىمشىلىگىنىڭ باسشىسى بولىپ تاعايىندالعان.

ءىى دارەجەلى «ايبىن» (2014) جانە «داڭق» (2021) وردەندەرىمەن ناگرادتالعان.

ەڭبەك جولىن 2002 جىلى الماتى قالاسى ادىلەت باسقارماسى ءبولىمىنىڭ باس مامانى رەتىندە باستاعان.

سونىمەن قاتار ءار جىلدارى: 

2005-2006 جىلدارى – قازاقستان پرەمەر-ءمينيسترى كەڭسەسىندە زاڭ ءبولىمىنىڭ ساراپشىسى, باس ساراپشىسى.  

2006-2009 جىلدارى – قازاقستان پرەزيدەنتىنىڭ اكىمشىلىگىندە قىزمەت ىستەدى.

2009-2012 جىلدارى – ادىلەت مينيسترلىگىنىڭ تىركەۋ قىزمەتى جانە قۇقىقتىق كومەك كورسەتۋ كوميتەتى توراعاسىنىڭ ورىنباسارى.

2012-2014 جىلدارى – ەكونوميكالىق قىلمىسقا جəنە سىبايلاس جەمقورلىققا قارسى اگەنتتىگىنىڭ (قارجى پوليتسياسى) ورتالىق اپپاراتىندا دەپارتامەنت باستىعى.

2015-2016 جىلدارى – استانا قالاسى اكىمىنىڭ اپپارات باسشىسى, پرەزيدەنت اكىمشىلىگىنىڭ باسشىسى حاتشىلىعىنىڭ مەڭگەرۋشىسى.

2016-2017 جىلدارى – سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ (سىبايلاس جەمقورلىققا قارسى قىزمەت) استانا قالاسى بويىنشا دەپارتامەنتىنىڭ باسشىسى.

2017-2018 جىلدارى – اقمولا وبلىسى اكىمىنىڭ ورىنباسارى.

2018-2019 جىلدارى – مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ ورىنباسارى.

2019-2022 جىلدارى – سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ ءبىرىنشى ورىنباسارى.

2022 جىلدىڭ اقپانىنان 2023 جىلدىڭ ساۋىرىنە دەيىن – قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى بولىپ قىزمەت اتقارعان.

ەسكە سالايىق, «Amanat» پارتياسى ولجاس بەكتەنوۆتىڭ كانديداتۋراسىن پرەمەر-مينيستر لاۋازىمىنا ۇسىندى. مەملەكەت باسشىسى ۇسىنىلعان كانديداتۋرانى ماجىلىستەگى پارتيالاردىڭ فراكتسيالارىمەن جۋىق ارادا تالقىلايدى.