فوتو: stan.kz
بۇل تۋرالى ىشكى ىستەر مينيسترلىگىندە وتكەن بريفينگتە اكىمشىلىك پوليتسيا كوميتەتىنىڭ ءبولىم باسشىسى اسەت وسپانوۆ ايتتى. ول بالالارعا قاتىستى زورلىق-زومبىلىقتى انىقتاۋ ءۇشىن اكىمدىكتەر جانىنان ءموبيلدى توپتار قۇرىلعانىن ەسكە سالدى. ولار ءوز جۇمىسىنىڭ اياسىندا ءوز مىندەتتەرىن ورىنداماي جۇرگەن اتا-انالاردى انىقتادى.
بالالاردىڭ قۇقىقتارىن قورعاۋ كوميسسياسى 1800 ماتەريالدى قاراپ, 600 اتا-انانى قۇقىعىنان ايىرۋ, 340-ىن شەكتەۋ تۋرالى شەشىم قابىلدادى.
سونداي-اق وقۋ جىلىنىڭ باسىنان بەرى ءتارتىپ ساقشىلارى جاسوسپىرىمدەر اراسىندا 1400-دەن استام بەيرەسمي جەتەكشىلەردى انىقتاعان. ولاردىڭ بارلىعى باقىلاۋعا الىندى. ءتارتىپ ساقشىلارى كامەلەتكە تولماعانداردى بوپسالاۋ بويىنشا 40 فاكتىنىڭ جولىن كەستى.
«جالپى, سوڭعى 10 جىلدا كامەلەتكە تولماعاندارعا قاتىستى جاسالعان قۇقىق بۇزۋشىلىقتار ءۇش ەسەگە جۋىق ازايدى. وكىنىشكە قاراي, جاسوسپىرىمدەر عالامتور ارقىلى كۇماندى ادامدارمەن تانىسىپ, پاتەر جالداپ, ءتۇرلى ءىس-شارالاردى تويلايدى, كوپ جاعدايدا اتا-اناسىنىڭ باقىلاۋىنسىز ىشىمدىك ءىشىپ, ەسىرتكى قولدانادى, سونىڭ سالدارىنان قىلمىستىڭ قۇربانىنا اينالادى», دەدى وسپانوۆ.
