فوتو: avtonews.ru
جەلىدە تاراعان ۆيدەو سوڭىندا جاقسىلىقوۆ باقتيار ءوزىنىڭ اتقاراتىن قىزمەتتەرىن تىزبەكتەگەن. الەۋمەتتىك جەلى قولدانۋشىلارى ونى «يمام» دەپ باعامداپ جاتقانىمەن, قمدب بۇل اقپاراتتى جوققا شىعاردى.
«بۇقارالىق اقپارات قۇرالدارى مەن الەۋمەتتىك جەلىلەردە باحتيار جاقسىلىقوۆ ەسىمدى ازاماتتىڭ تاكسي جۇرگىزۋشىسىمەن كيكىلجىڭگە كەلىپ, دورەكى ارەكەت كورسەتكەنى جانە ونىڭ «يمام» ەكەنى تالقىلانۋدا.
وسى ورايدا باحتيار جاقسىلىقوۆتىڭ قازاقستان مۇسىلماندارى ءدىني باسقارماسىنىڭ قىزمەت جۇيەسىندە جۇمىس ىستەمەيتىنىن رەسمي تۇردە مالىمدەيمىز. سونداي-اق بۇقارالىق اقپارات قۇرالدارى وكىلدەرى مەن الەۋمەتتىك جەلى قولدانۋشىلارىنان انىقتالماعان حاباردى تاراتپاۋىن سۇرايمىز», دەلىنگەن قازاقستان مۇسىلماندارى ءدىني باسقارماسىنىڭ ءباسپاسوز قىزمەتىنىڭ حابارلاماسىندا.
