شىمكەنت پروكۋراتۋراسىنىڭ مالىمەتىنشە, 2024 جىلدىڭ 16 قاڭتارىندا قالاداعى پوليتسيانىڭ كەزەكشى بولىمىنە م.ا. ەسىمدى ازاماتشا قىزىن ۇيلەنۋ ماقساتىندا بەلگىسىز ەر ازاماتتىڭ ۇرلاپ كەتكەنى تۋرالى حابارلاعان.
«اتالعان فاكت بويىنشا قازاقستان رەسپۋبليكاسىنىڭ قىلمىستىق كودەكسنىڭ 125-بابى 2-بولىگى 1) تارماعىنىڭ نەگىزىندە («ادامدى ۇرلاۋ») سوتالدى تەرگەپ-تەكسەرۋ باستالدى. ءىس بارىسىندا ماڭعىستاۋ وبلىسىنىڭ گ. ەسىمدى تۇرعىنى ۇستالىپ, ەكى ايعا قاماۋعا الىندى. تەرگەپ-تەكسەرۋ كەزىندە بارلىق ءمان-جاي انىقتالادى», دەلىنگەن شىمكەنت پروكۋراتۋراسىنىڭ حابارلاماسىندا.
مۇنداي قىلمىستى جاساعانى ءۇشىن كىنالىلەردىڭ مۇلكى تاركىلەنىپ, ولارعا قاتىستى جەتi جىلدان ون ەكi جىلعا دەيiنگi مەرزiمگە باس بوستاندىعىنان ايىرۋ جازاسى قولدانىلۋى مۇمكىن.
«قازاقستان رەسپۋبليكاسى قىلمىستىق پروتسەستىك كودەكسىنىڭ 201-بابىنىڭ تالاپتارىنا سايكەس باسقا اقپارات جاريالانبايدى», دەدى پروكۋراتۋرانىڭ ءباسپاسوز قىزمەتى.
