سەبەبى, زاڭ بويىنشا ءارتىس مەملەكەتتىك سىيلىقتان باس تارتا المايدى.
«بىلتىر وردەن العانىم ۇلكەن داۋعا ۇلاسقانىن بىلەسىزدەر. نەگىزى سونداي ماراپاتقا لايىق بولعانىما قاتتى قۋانعانمىن. ەڭبەكتىڭ باعالانعانى دۇرىس. دەگەنمەن الەۋمەتتىك جەلىدە ۇلكەن ايقاي-شۋعا اينالدى. سول كەزدە ءوزىمدى قاتتى ىڭعايسىز سەزىندىم. انام ەس بىلگەلى “حالىقتان ۇلكەن ەمەسسىڭ, ءبىرىنشى ورىندا حالىق” دەپ سانامىزعا قۇيىپ ءوسىردى. ونەر ادامى بولعاسىن حالىقپەن تىكەلەي جۇمىس ىستەيسىڭ. قازاقستاندىقتاردىڭ پىكىرىنە باعىنىپ, ماراپاتتان باس تارتۋ تۋرالى شەشىم قابىلدادىم. بىراق زاڭ بويىنشا ءارتىس مەملەكەتتىك سىيلىقتان باس تارتا المايدى ەكەن», دەدى ونەر يەسى.
ونىڭ سوزىنشە, ەگەر ءارتىس بۇرىنعى ماراپاتتارىنان باس تارتسا, وندا جاعىمسىز ارەكەتى ءۇشىن قايتارىلدى دەپ ايتىلادى. سوندىقتان ول زاڭعا باعىنعان كورىنەدى.
«ماعان سەنىم ارتىپ, ونەرىمە جاناشىر بولىپ جاتقان تىڭدارمان قاۋىمدى قۇرمەتتەيمىن. قازىر بارلىق اتاق-ماراپاتىم وزىمدە قالدى», دەيدى ءانشى.
سونىمەن قاتار ءالي وقاپوۆ وسى كۇنگە دەيىن العان ستاتۋەتكا مەن ماراپاتتارىن جيناپ, ءتيىستى باعدارلاما وكىلدەرىنەن الىپ كەتۋدى وتىنگەنىن جەتكىزدى.
«سول كۇنى بارلىق ماراپاتىمدى قايتارىپ بەرۋ تۋرالى شەشىمگە كەلدىم. بىراق ولار ءالى كۇنگە دەيىن ۇيىمدە جاتىر. ويتكەنى باعدارلامانىڭ دەنى جابىلىپ قالعان. قايتارىپ بەرەتىن وكىلدەرى ءتۇرلى سالاعا كەتىپ قالعان. مەن نەگىزى الىپ كەتىڭىزدەرشى دەپ ۇسىندىم. بىراق ونى ەشكىم العىسى كەلمەدى. بۇل ءومىر عوي, بارىنە بىردەي ۇناۋ مۇمكىن ەمەس جانە ول كەرەك تە ەمەس», دەيدى سازگەر.
