فوتو: Kris_p_almaty
الماتى قالالىق پوليتسيا دەپارتامەنتى جول اپاتى 27 قاڭتار تاڭعى ساعات 09:00-دە الاتاۋ اۋدانىندا بولعانىن ءمالىم ەتتى.
Chevrolet اۆتوكولىگىنىڭ جۇرگىزۋشىسى, 2003 جىلى تۋعان ازامات ي. ەمتسوۆ كوشەسىمەن سولتۇستىك باعىتتا كەلە جاتىپ, كولىك تىزگىنىنە يە بولا الماي, قارسى باعىتقا شىعىپ كەتىپ, اۆتوبۋسقا سوقتىعىسقان.
«وقيعا سالدارىنان جەڭىل ماشينا جۇرگىزۋشىسى وقيعا ورنىندا كوز جۇمدى. اۆتوبۋستىڭ ءتورت جولاۋشىسى مەديتسينالىق كومەككە جۇگىندى», دەپ حابارلادى الماتى قالالىق پوليتسيا دەپارتامەنتىنىڭ ءباسپاسوز قىزمەتى.
وقيعا بويىنشا قىلمىستىق ءىس قوزعالىپ, تەرگەۋ باستالدى. ءتيىستى ساراپتامالار تاعايىندالدى.
