فوتو: KZgovernment
ۇكىمەت وتىرىسىندا ەكولوگيا جانە تابيعي رەسۋرستار ءمينيسترى ەرلان نىسانباەۆ ەكولوگيالىق زاڭنامانىڭ ساقتالۋىن باقىلاۋ ماقساتىندا 652 تەكسەرۋ جۇرگىزىلىپ, 1,6 مىڭ قۇقىق بۇزۋشىلىق انىقتالعانىن جەتكىزدى.
«ولار بويىنشا جويۋ تۋرالى 628 ءتيىستى ۇيعارىم بەرىلدى. 322 ملرد تەڭگەگە 2,1 مىڭ اكىمشىلىك ايىپپۇل سالىندى, 11,3 ملرد تەڭگە مولشەرىندە 1,8 مىڭ ايىپپۇل ءوندىرىلدى. قالعاندارى ورىندالىپ جاتىر. ەكولوگيالىق جاعدايدى جاقسارتۋ ءۇشىن ءىرى كاسىپورىندار جىل سايىن تابيعاتتى قورعاۋ ءىس-شارالارىنىڭ جوسپارلارىن ازىرلەيدى. سونىمەن قاتار جۇرتشىلىقپەن, ەكواكتيۆيستەرمەن, جەرگىلىكتى اتقارۋشى ورگاندارمەن جانە تابيعات پايدالانۋشىلارمەن بىرلەسىپ وڭىرلەردىڭ ەكولوگيالىق ماسەلەلەرى قارالدى. ناتيجەسىندە ولاردىڭ كەشەندى شەشىمى بويىنشا 18 جول كارتاسى ازىرلەنگەنى» ايتىلدى.
