جاڭگىر حان اتىنداعى باتىس قازاقستان اگروتەحنيكالىق ۋنيۆەرسيتەتى بۇگىندە وندىرىسكە عىلىمي جەتىستىكتەردى ەنگىزۋ بويىنشا بەلسەندى جۇمىس جۇرگىزىپ وتىر. جوو رەكتورى اسقار نامەتوۆتىڭ ايتۋىنشا, عىلىمي ازىرلەمەلەردى تاجىريبەگە ەنگىزۋ ءۇشىن جاعداي جاسالعان. بارلىق عىلىمي قىزمەت بيزنەسپەن ىنتىماقتاستىققا باعىتتالعان.
ء«بىز جانۋارلاردى گەنوتيپتەۋ بويىنشا قىزمەت كورسەتەمىز, 60 اسىل تۇقىمدى شارۋاشىلىقپەن تولىق عىلىمي جاعىنان كومەكتەسۋگە شارتتار جاساستىق, 6,5 مىڭنان استام گەنوتيپتەۋ ۇلگىلەرى جۇرگىزىلدى. شارۋا قوجالىقتارى بازاسىندا قازاقتىڭ اقباس تۇقىمدى ءىرى قارا مالىنىڭ 4 زاۋىتتىق جەلىسى, بىشكول قۇس فابريكاسى بازاسىندا ۇيرەكتەردىڭ 1 كروسس جانە 2 زاۋىتتىق جەلىسى قۇرىلدى, «الەم» شق-دا كوشىم جىلقى تۇقىمىنىڭ جانىبەك ءتۇرى قۇرىلدى. جانۋارلاردىڭ جارالارىن ەمدەۋگە جانە جۇقپالى اۋرۋلارعا قارسى فيتوكومپونەنتتەرگە نەگىزدەلگەن ەكى انتيسەپتيكالىق پرەپارات جاسالدى», دەدى اسقار نامەتوۆ.
بقاتۋ عىلىمي جاڭالىقتارىنىڭ قاتارىندا شارۋاشىلىقتاردا ەرىگەن قار سۋى جانە جاڭبىر سۋلارىن ساقتاۋ ءۇشىن مودۋلدىك كونتۋرلار جاساۋ بار. بۇل قوندىرعىلار 7 اي ىشىندە 100 باس جانۋارلاردى سۋمەن قامتاماسىز ەتۋگە مۇمكىندىك بەرەدى. ساقتاۋ سىيىمدىلىعىن سول باعامەن تاعى 50 باسقا ارتتىرۋ مۇمكىندىگى بار.
بقاتۋ عالىمدارى ءوندىرىس نارىعىندا سۇرانىسقا يە ەمەس, شامامەن 75%-ىن ورتەپ قۇتىلاتىن قوي ءجۇنىن پايدالانۋ تۋرالى شەشىم تاپتى. تەحنولوگيا جىلىجايلاردا گيدروپونيكالىق جۇيەدە پايدالانۋ ءۇشىن ءجۇندى ءتورتبۇرىش توسەنىشتەر رەتىندە قايتا وڭدەۋگە مۇمكىندىك بەرەدى. ونىمدەر ادەتتەگى بازالت توسەنىشتەردەن ەكى ەسە ارزان. تەحنولوگيا زەرتتەۋدىڭ سوڭعى كەزەڭىنەن ءوتىپ جاتىر.
س.سەيفۋللين اتىنداعى قازاق اگروتەحنيكالىق زەرتتەۋ ۋنيۆەرسيتەتى عىلىمي ازىرلەمەلەرى نەگىزىندە جوو-نىڭ قاتىسۋىمەن 5 يننوۆاتسيالىق كومپانيا قۇردى.
«عىلىمي-زەرتتەۋ جۇمىستارىنىڭ ناتيجەلەرى بويىنشا وندىرىستە جالپى سوماسى 2,9 ملرد تەڭگەگە 6 عىلىمي جوبا قولدانىلدى. سونداي-اق ۋنيۆەرسيتەت 2023-2025 جىلدارعا ارنالعان باعدارلامالىق-نىسانالى قارجىلاندىرۋ كونكۋرسىندا 4 ملرد تەڭگە سوماسىنا ورگانيكالىق ءوندىرىستىڭ جاڭا تەحنولوگيالارىن دامىتۋ جانە اۋىل شارۋاشىلىعى ونىمدەرىن قايتا وڭدەۋ تاقىرىبىنداعى مەگاجوبانى جەڭىپ الدى», دەدى قاتزۋ رەكتورى قانات تىرەۋوۆ.
سونىمەن قاتار جوو-دا رەيتينگى جوعارى عىلىمي جۋرنالدارداعى جاريالانىمدار ديناميكاسى وسۋدە. Q1 رەيتينگى بويىنشا (بەدەلدى شەتەلدىك جۋرنالدار كىرەتىن ەڭ جوعارى كۆارتيل) باسىلىمدار سانى 2022 جىلى 50-دەن 2023 جىلى 72-گە دەيىن, Q2 بويىنشا 2022 جىلى 43-تەن 2023 جىلى 66-عا دەيىن ءوستى.
قازاق ۇلتتىق اگرارلىق زەرتتەۋ ۋنيۆەرسيتەتىندە اگرارلىق مەنەدجمەنت بويىنشا ۆايەنشتەفان-تريزدورف ۋنيۆەرسيتەتىمەن (گەرمانيا), IT-تەحنولوگيالاردى پايدالانا وتىرىپ, سۋ رەسۋرستارىن باسقارۋ بويىنشا ۆارشاۆا جاراتىلىستانۋ عىلىمدارى ۋنيۆەرسيتەتىمەن, مالايزياداعى پاحانگ ۋنيۆەرسيتەتىمەن بيوتەحنولوگيا بويىنشا, شىعىس فينليانديا جوعارى وقۋ ورنىمەن ازىق-ت ۇلىك قاۋىپسىزدىگى بويىنشا قوس ديپلومدىق باعدارلامالار جۇمىس ىستەيدى.
سەرىك جۇمانعارين جوعارى وقۋ ورىندارى قىزمەتىنىڭ تيىمدىلىگىن ارتتىرۋ جانە اگرارلىق سالا ءۇشىن كادرلار دايارلاۋ جونىندە ۇسىنىستار جاساۋدى تاپسىردى.
