فوتو: Turizm jane sport ministrligi
تۋريزم جانە سپورت ۆيتسە-ءمينيسترى سەرىك جاراسپاەۆ كوشپەندىلەر ويىندارىنا دايىندىق جۇمىستارى مەن اقپاراتتىق-ناسيحات شارالارىنىڭ قىزۋ ءجۇرىپ جاتقانىن حاباردار ەتتى. اتالعان ءىرى شارانىڭ ماڭىزىن ەسكەرە وتىرىپ, اشىلۋ جانە جابىلۋ سالتاناتى مەن سايىس بارىسىن الەمنىڭ جەتەكشى تەلەارنالارى ارقىلى تاراتۋ ماسەلەسى دە ورتاعا سالىندى.
ءبىلال ەردوعان ارىپتەستىك قاتىناستىڭ ارتقانىن ايتا كەلە, كوشپەندىلەر ويىندارىن ۇيىمداستىرۋ قازاقستاننىڭ ەتنوسپورت قوزعالىسىن الەمدىك دەڭگەيدە ناسيحاتتاۋداعى ۇتقىر جوبالارىنىڭ ءبىرى ەكەندىگىنە ايرىقشا ءمان بەردى.
جيىندا قازاقستان دەلەگاتسياسىنىڭ اقپاننىڭ 16-18 كۇندەرى ارالىعىندا وتەتىن دۇنيەجۇزىلىك ەتنوسپورت كونفەدەراتسياسىنىڭ كونگرەسىنە قاتىساتىنى دا ناقتىلاندى. كەزدەسۋگە قازاقستاننىڭ باس كونسۋلدىعىنىڭ وكىلدەرى دە قاتىستى. 2024 جىلدىڭ 8-14 قىركۇيەك ارالىعىندا استانادا وتەتىن V دۇنيەجۇزىلىك كوشپەندىلەر ويىندارىنا 100-دەن استام مەملەكەتتەن 4000-عا جۋىق سپورتشى قاتىساتىنى كۇتىلىپ وتىر.
