فوتو: تۋريزم جانە سپورت مينيسترلىگى
مينيسترلىككە قاراستى سپورت جانە دەنە شىنىقتىرۋ كوميتەتىنىڭ ءباسپاسوز قىزمەتىنىڭ مالىمدەۋىنشە, پاراليمپيادانىڭ كۆاليفيكاتسيالىق رەگلامەنتىنە سايكەس ك44 ساناتىندا 80 كەلىگە دەيىنگى سالماق بويىنشا پاراتاەكۆوندوشى نۇرلان دومباەۆ, +80 كەلى سالماقتا نىشان ءومىرالى جانە -57 كەلى سالماعىنداعى كاميليا دوسمالوۆا بيىل پاريجدە وتەتىن ءدۇبىرلى دودانىڭ جولداماسىنا يە بولعان.
سپورتشىلارىمىز الەمدىك رەيتينگتىڭ كورسەتكىشىنە سايكەس, توپ 20 ۇزدىك سپورتشىلار قاتارىنا ەنگەن.
وسى كۇنگە دەيىن قازاقستان پاراسپورتشىلارىندا پاريج-2024 ويىندارىنىڭ 5 ليتسەنزياسى بار: پاراجەڭىل اتلەتيكا, پاراپاۋەرليفتينگ, ۆولەيبولدى وتىرىپ ويناۋ, پاراكانوە, ءپاراجۇزۋ.
ەسكە سالايىك, 2020 جىلعى توكيو پاراليمپياداسىندا قازاقستان ۇلتتىق قۇراماسىنان 25 سپورتشى 5 مەدال (1 التىن, 3 كۇمىس, 1 قولا) جەڭىپ الىپ, جالپى ەسەپ بويىنشا 48 ورىندى يەلەنگەن ەدى.
ايتا كەتسەك, پاريج شاھارىندا XXXIII جازعى وليمپيادا شىلدەنىڭ 26-سى مەن تامىزدىڭ 11-ءى كۇندەرى ارالىعىندا وتسە, ءحVىى جازعى پاراليمپيادا 28 تامىز - 8 قىركۇيەك ارالىعىندا وتەدى.
