كاسىپورىن باسشىلىعى مەكەمەگە تيەسىلى نارىقتىق قۇنى 22 ملن تەڭگەنى قۇرايتىن 4 اۆتوكولىكتى جالعان قۇجات راسىمدەۋ ارقىلى جارامسىز كولىك قۇرالى رەتىندە زاڭسىز ەسەپتەن شىعارىپ, ءتيىستى اۋكتسيون وتكىزبەي, تىكەلەي ءۇشىنشى تۇلعالارعا ساتىپ جىبەرگەن.
اتالعان دەرەك بويىنشا تالاس اۋدانىنىڭ پروكۋراتۋراسى قىلمىستىق ءىس تىركەپ, وبلىستىق باسقارماعا جولدادى.
قازىرگى تاڭدا مەكەمە باسشىلارىنىڭ ءىس-ارەكەتتەرى قك-ءتىڭ 189-بابى 4-بولىگىنىڭ 2-تارماعىمەن (جىمقىرۋ) جانە قك 369-بابى 1-بولىگىمەن (قىزمەتتىك جالعاندىق) سارالاندى.
تەرگەپ-تەكسەرۋ بارىسىندا قۇنى 17 ملن تەڭگەنى قۇرايتىن 3 اۆتوكولىك مەملەكەتكە قايتارىلدى, ءتورتىنشى اۆتوكولىكتى قايتارۋ بويىنشا شارالار قابىلدانىپ جاتىر.
