2023 جىلدىڭ 28 جەلتوقسان كۇنى ادىلەت مينيسترلىگىنىڭ «ۇلتتىق زياتكەرلىك مەنشىك ينستيتۋتى» رمك, اۋىل شارۋاشىلىعى مينيسترلىگى اپروباتسيا جونىندەگى مەملەكەتتىك كوميسسياسىنىڭ قورىتىندىسى نەگىزىندە سەلەكتسيالىق جەتىستىككە التى پاتەنت بەرۋ تۋرالى شەشىم قابىلدادى جانە سەلەكتسيالىق جەتىستىكتەردىڭ مەملەكەتتىك تىزىلىمىندە تىركەدى.
وسىنىڭ نەگىزىندە اداي جىلقىسىنىڭ جاڭا تۇقىمدارىن قازاقستان رەسپۋبليكاسىنىڭ سەلەكتسيالىق جەتىستىگى رەتىندە تىركەۋ جانە پاتەنت يەلەنۋشىنىڭ سەلەكتسيالىق جەتىستىكتى پايدالانۋعا ايرىقشا قۇقىعىن, ونىڭ باسىمدىعى مەن سەلەكتسيونەردىڭ اۆتورلىعىن كۋالەندىرەتىن پاتەنت بەردى. ال بۇگىن پاتەنت بەرۋ تۋرالى مالىمەتتەر رەسمي بيۋللەتەندە جاريالاندى.
ەستەرىڭىزگە سالا كەتەيىك, مەملەكەت باسشىسى قاسىم-جومارت توقاەۆتىڭ ماڭعىستاۋ وبلىسىنا ساپارىنىڭ قورىتىندىسى بويىنشا ۇكىمەتكە اداي اسىل تۇقىمدى جىلقىسىن عىلىمي تۇرعىدان دالەلدەۋ جانە ءوسىمىن مولايتۋ بويىنشا جەدەل جۇمىس جۇرگىزۋ تۋرالى تاپسىرما بەرىلگەن بولاتىن. اداي جىلقىسىنىڭ ۇلتتىق برەند بولىپ تانىلۋى ونى ودان ءارى ساقتاۋعا, ىرىكتەۋگە جانە دامىتۋعا ىقپال ەتەتىن بولادى.
