مەكتەپ ديرەكتورى رۋسلان بايمۇقاشەۆتىڭ ايتۋىنشا, بىلتىر قاراشادا ونەرگە بەيىمى بار وقۋشىلاردان ۇلت-اسپاپتار ءانسامبلى قۇرىلعان. قازىر ونىڭ قۇرامىندا 15 وقۋشى بار. ونەرلى ورەندەردىڭ ۇلكەنى – 9, كىشىسى – 7 جاستا. جاقىندا بالعىن ونەرپازدار ءانسامبلى ء«بىز – تاۋەلسىز ەلدىڭ ۇرپاعىمىز!» اتتى ەسەپتىك كونتسەرت بەردى.
«ۇلتتىق ونەرگە تالپىنىسى كەرەمەت وقۋشىلارعا قولداۋ ءبىلدىرۋدى كوزدەدىك. سول سەبەپتەن, بىلتىر وبلىس اكىمدىگىنىڭ قولداۋىمەن ۇلت-اسپاپتار ءانسامبلىن قۇرعان ەدىك. وسى ماقسات ءۇشىن مۋزىكالىق اسپاپتار ساتىپ الىندى. ونەرلى وقۋشىلارىمىزدىڭ قاتارى كوبەيىپ كەلەدى. وقۋ جىلىنىڭ سوڭىندا 30 وقۋشىمەن تاعى دا كونتسەرت بەرۋدى جوسپارلاپ وتىرمىز», دەيدى رۋسلان بايمۇقاشەۆ.
انسامبل قۇرامىنداعى وقۋشىلار ءتۇرلى اسپاپتى مەڭگەرىپ العان. ونەرپاز وقۋشىلار دومبىرا, اساتاياق, جەتىگەن, بۋبەن, كاحون سەكىلدى اسپاپتارمەن قازاق كومپوزيتورلارىنىڭ ءان-كۇيلەرىن, الەم كلاسسيكتەرىنىڭ تۋىندىلارىن ورىنداپ ءجۇر.
اتىراۋ وبلىسى
