مينيستر تاريفتەردى كوتەرۋ ماسەلەلەرى بويىنشا كەيبىر قوعامدىق تىڭداۋلار وتكەنىن اتاپ ءوتتى. بۇل ەڭ اۋەلى كوممۋنالدىق ينفراقۇرىلىمى ناشارلاعان ايماقتارعا قاتىستى.
«قىزىل ايماقتا 87 تابيعي مونوپوليا سۋبەكتىسى بولدى. سۋبەكتىگە جانە ونىڭ ناشارلاۋىنا بايلانىستى ەڭ شۇعىل وتىنىشتەر مەن تالقىلاۋلار ءوتتى», دەدى الىبەك قۋانتىروۆ
بارلىق سالادا تاريف باعاسى كوتەرىلەدى.
«ەنەرگەتيكا, گازداندىرۋ, سۋمەن جابدىقتاۋ, كارىز, جىلۋمەن قامتۋ – بىراق بۇنىڭ ءبارى كەزەڭ-كەزەڭىمەن بولادى. ايماقتاردا توزۋىنا بايلانىستى, 15-30 پايىزعا دەيىن بولادى. بىراق ءار وڭىردە ءارتۇرلى», دەدى ۇلتتىق ەكونوميكا ءمينسترى.
ستراتەگيالىق تاۋارلار باعاسىنىڭ قىمباتتاۋى مەن ەلەكتر ەنەرگياسىنىڭ قىمباتتاۋى – قازاقستاندا كوممۋنالدىق قىزمەت تاريفتەرىنىڭ وسۋىنە اسەر ەتەتىن نەگىزگى فاكتورلاردىڭ ءبىرى. 6 قاراشادا 2023 جىلدىڭ ەكىنشى توقسانىندا «ينۆەستيتسياعا ايىرباس ءتاريفى» باعدارلاماسىن ىسكە اسىرۋ اياسىندا ۇلتتىق ەكونوميكا مينيسترلىگى تاريفتەردى كوتەرۋگە 212 ءوتىنىمدى ماقۇلدادى. بۇل وتىنىمدەردى كوممۋنالدىق كاسىپورىندار – تابيعي مونوپوليالار سۋبەكتىلەرى بەرگەن.
