كىتاپحانانىڭ تۇنگى الەمىن تاماشالاۋعا جينالعان قالا تۇرعىندارى تاريحي داستاندارداعى كەيىپكەرلەرمەن تانىستى. ۇلى تۇلعالاردىڭ كىتاپتاعى بەينەسىن سومداعان كىتاپحانا قىزمەتكەرلەرى وقىرماندى ەرەكشە اسەرگە بولەدى. «BookDating» اتتى كىتاپ كەيىپكەرلەرىنىڭ دەفيلەسى شىعارمانى شىنايى سيپاتتاي ءبىلدى.
ءومىرىن ولەڭمەن ورنەكتەگەن جەتىسۋلىق اقىندار جانگەلدى نەمەرەباي, ازامات نۇرماحان, قالقامان ابدراحمان سياسى كەپپەگەن ولەڭدەرىن وقىدى. قالامگەرلەر ءبىر-بىرىنە ارناپ ءازىل ارالاس ەپيگرامما جازىپ, ءىس-شارانىڭ شىرايىن كىرگىزدى.
«اشىق ميكروفون» ايدارىندا بلوگەر, «بولمىس» كىتاپ كلۋبىنىڭ جەتەكشىسى شىنارگۇل وڭاشبايدىڭ قاتىسۋىمەن كىتاپحاناعا جازىلۋ اكتسياسى ءوتتى. سونىمەن قاتار «Biblio-darts» الاڭىندا سۇراق-جاۋاپ ويىندارى ۇيىمداستىرىلىپ, ء«دامدى كىتاپتار» بيبليوفۋرشەتى وقىرماندارعا كوتەرىڭكى كوڭىل كۇي سىيلادى. جانعا جايلى دەمالىس كەشىندە رۋحاني ءنار بەرەتىن كىتاپتارمەن كەڭىنەن تانىسۋعا مۇمكىندىك بەرىلدى.
ال «اكتەرTime» ايدارىندا بيكەن ريموۆا اتىنداعى تالدىقورعان دراما تەاترىنىڭ ارتىستەرى عاليا تەمiرباەۆا, اباي نۇعمانوۆ جانە اقمارال تولەۋوۆا اكتەرلىك تاجىريبەسىمەن ءبولىسىپ, شەبەرلىك ساعاتىن وتكىزدى. كەشكە كەلگەن وقىرماندار كىتاپتاردان جەتىسۋ ولكەسىنىڭ تابيعاتى سۋرەتتەلگەن «بيبليوگالەرەيا» كورمەسىن تاماشالاپ, «كinopark» كىتاپ جەلىسىندەگى كينولاردى كوردى. سونداي-اق جاستار «Cover show» كاراوكە مۋزىكالىق كەشىندە ءان شىرقادى.
رۋحاني ءىس-شاراعا قالا تۇرعىندارىمەن قاتار, زيالى قاۋىم وكىلدەرى, اقىن-جازۋشىلار, مادەني مەكەمە قىزمەتكەرلەرى قاتىستى. ولار كەش سوڭىندا ۇيىمداستىرۋشىلارعا قىزىقتى دەمالىس ءۇشىن العىسىن ايتتى.
جەتىسۋ وبلىسى
