ەكىنشى كەزەڭ 2023 جىلى باستالىپ, جالپىعا بىردەي دەكلاراتسيالاۋ جۇيەسىنە (دارىگەرلەر, مۇعالىمدەر, مادەنيەت, پەنە سپورت سالاسى, جانە ولاردىڭ جۇبايلارى) كۆازيمەملەكەتتىك سەكتور كىردى. الماتى وبلىسىندا 128 مىڭنان استام ادام تابىس ەتتى. ال 16 908 تۇلعاعا سالىق زاڭناماسىندا بەلگىلەنگەن مەرزىمدە جەكە تۇلعالاردىڭ دەكلاراتسياسىن ۇسىنباعانى تۋرالى حابارلاما جىبەرىلدى, ونىڭ ىشىندە 823 جەكە تۇلعا اكىمشىلىك جاۋاپكەرشىلىككە تارتىلدى.
2024 جىلدىڭ 1 قاڭتارىنان باستاپ 3-كەزەڭ باستالادى. «اكتيۆتەر مەن مىندەتتەمەلەر تۋرالى دەكلاراتسيانى» (250.00-نىسان) بيزنەس وكىلدەرى, ياعني جەكە كاسىپكەرلەر مەن زاڭدى تۇلعالاردىڭ باسشىلارى, قۇرىلتايشىلارى (قاتىسۋشىلار) ولاردىڭ جۇبايلارى تاپسىرۋعا مىندەتتى.
سونىمەن قاتار بۇل مىندەتتەمە «ارەكەتسىز» مارتەبەسى بار جەكە كاسىپكەرلەرگە جانە جشس باسشىلارىنا (قۇرىلتايشىلارىنا) دا قاتىستى بولادى. الماتى وبلىسىندا وسىنداي تۇلعالاردىڭ سانى 3 693 ادامدى قۇرايدى.
ەگەر دە ءسىز جوعارىدا اتالعان تۇلعالار ساناتىنا جاتاتىن بولساڭىز, بىراق كاسىپكەرلىك قىزمەتتى جۇزەگە اسىرماساڭىز نەمەسە توقتاتساڭىز, زت نەمەسە جك ورنالاسقان جەرى بويىنشا مەملەكەتتىك كىرىستەر ورگانىنا قىزمەتتى توقتاتۋ تۋرالى سالىقتىق وتىنىش بەرۋگە كەڭەس بەرەمىز.
250.00 نىساندى مەملەكەتتىك كىرىستەر ورگاندارىنا قاعاز تۇرىندە - 15 شىلدەدەن, ەلەكتروندىق تۇردە - 15 قىركۇيەكتەن كەشىكتىرمەي «سالىق تولەۋشىلەر كابينەتى» ۆەب-قوسىمشاسى (cabinet.salyk.kz) نەمەسە e-Salyq Azamat, eGov mobile ءموبيلدى قوسىمشالار ارقىلى تاپسىرۋعا بولادى.
جەكە تۇلعالار 2024 جىلى 250.00 نىسانىن تاپسىرعاننان كەيىن, 2025 جىلدان باستاپ بۇل تۇلعالار جىل سايىن كىرىستەرى مەن اكتيۆتەرى تۋرالى دەكلاراتسيانى (270.00 نىسانى) تاپسىرۋى ءتيىس ەكەنىن ەسكەرىڭىزدەر.
سونىمەن قاتار دەكلاراتسيانى ءبىرىنشى رەت كەش تاپسىرعان جاعدايدا ەسكەرتۋ بەرىلەتىنىن حابارلايمىز.
ءبىر جىل ىشىندە قايتالانعان جاعدايدا - 15 اەك كولەمىندە ايىپپۇل سالىنادى.
