فوتو: Primeminister.kz
باس پروكۋراتۋرا جۇرگىزگەن تەكسەرۋ ناتيجەسىندە 2021 جىلى جەكەمەنشىك كومپانيا اتىراۋ وبلىسىندا ۇزىندىعى 200 مەتردەن اساتىن گاز قۇبىرىن تومەندەتىلگەن باعامەن جانە زاڭدىلىقتى بۇزا وتىرىپ ساتىپ العانى انىقتالعان. ناقتى اتاعاندا, «QazaqGaz» ۇك» اق ۇلتتىق وپەراتورىنىڭ گازبەن جابدىقتاۋ نىساندارىن ساتىپ الۋعا باسىم قۇقىعى تۋرالى زاڭ نورماسى بۇزىلعان.
تالقىلاۋ ناتيجەلەرى بويىنشا كوميسسيا گاز قۇبىرىن بەرۋ جونىندەگى مامىلەنى جارامسىز دەپ تانۋ جانە م ۇلىكتى مەملەكەت مەنشىگىنە قايتارۋ بويىنشا ءتيىستى ماتەريالداردى سوتقا جولداۋ تۋرالى شەشىم قابىلدادى. الداعى ۋاقىتتا ونى وڭىردەگى ءىرى ونەركاسىپتىك كاسىپورىنداردى گازبەن قامتاماسىز ەتۋ ءۇشىن پايدالانۋ جوسپارلانىپ وتىر.
پرەمەر-مينيستر وسىعان ۇقساس جاعداي قالىپتاسقان باسقا دا بىرقاتار كاسىپورىندا ءتيىستى جۇمىس جۇرگىزۋ قاجەت ەكەنىن اتاپ ءوتتى.
