«مەملەكەت باسشىسى قاسىم-جومارت توقاەۆ يننوۆاتسيالىق ينفراقۇرىلىمدى قالىپتاستىرۋدا ءتيىمدى شارالار قابىلداۋدىڭ ماڭىزدىلىعىن اتاپ وتكەن بولاتىن. ءبىزدىڭ كوميتەت وسىعان بايلانىستى سالانى جەتىلدىرۋ جونىندە قۇزىرەتتى مەملەكەتتىك ورگاندارمەن جۇمىس جۇرگىزىپ كەلەدى. ەكونوميكا سالاسى مەن زاڭنامالىق رەتتەۋ جانە باسقا دا باسىم باعىتتارداعى يننوۆاتسيالىق تاسىلگە نازار اۋدارۋ قاجەت», دەدى سەناتور سۇيىندىك الداشەۆ.
تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترىنىڭ ورىنباسارى قانىش تولەۋشين ەلىمىزدەگى يننوۆاتسيالىق ەكوجۇيەنى دامىتۋ ماسەلەلەرى تۋرالى ايتىپ بەردى. ول قارجىلاندىرۋدىڭ ازدىعىنا, مونيتورينگ تەتىكتەرىنىڭ السىزدىگىنە جانە تەحنولوگيالىق تۇعىرنامالاردىڭ دامۋ قارقىنىنا بايلانىستى يننوۆاتسيا دەڭگەيىنىڭ تومەندەپ كەتكەنىن اتاپ ءوتتى.
دەپۋتاتتار وتىرىس بارىسىندا وڭدەۋ ونەركاسىبى سالاسىنداعى يننوۆاتسيالىق قىزمەتتى دامىتۋ ماسەلەلەرىن كوتەردى. شاراعا سونداي-اق عىلىم جانە جوعارى ءبىلىم, ەنەرگەتيكا مينيسترلىكتەرىنىڭ, «سامۇرىق-قازىنا» اق, «QazIndustry» قازاقستاندىق يندۋستريا جانە ەكسپورت ورتالىعى» اق وكىلدەرى قاتىستى.
كوميتەت توراعاسى سۇيىندىك الداشەۆ وتىرىستى قورىتىندىلاي كەلىپ, كەزدەسۋ بارىسىندا ايتىلعان بارلىق ۇسىنىستار پىسىقتالاتىنىن جانە كەيىننەن قازاقستانداعى يننوۆاتسيانى دامىتۋ تاقىرىبى بويىنشا وتەتىن دوڭگەلەك ۇستەل جۇمىسىندا پايدالانىلاتىنىن اتاپ ءوتتى.
