«قىزىلشا اۋرۋىنىڭ اسقىنۋى بويىنشا الەمنىڭ 167 ەلىندە 415 مىڭنان استام جاعداي تىركەلگەن. ەلىمىزدە قىزىلشانىڭ 17 مىڭنان استام جاعدايى تىركەلدى. ولاردىڭ 82%-دان استامى بالالارعا تيەسىلى, ونىڭ كوپشىلىگى ۆاكتسينا الماعان بالالار.
قىزىلشا اۋرۋلارى بارلىق وڭىرلەردە تىركەلدى, جوعارى دەڭگەي شىمكەنت پەن الماتى قالالارىندا, جامبىل, الماتى, ماڭعىستاۋ, اقتوبە, قىزىلوردا جانە اتىراۋ وبلىستارىندا بايقالادى», دەيدى مينيستر.
بۇگىنگى تاڭدا ەلىمىزدە قىزىلشامەن اۋىرعان ناۋقاستارعا ارنالعان 3,5 مىڭنان استام توسەك-ورىن بار, 2375 بالا ستاتسيوناردا ەم قابىلداپ جاتىر. بۇگىنگى تاڭدا توسەك ورىن قامتۋ جۇكتەمەسى 59,5 پايىزدى قۇرايدى, 1 مىڭنان استام ورىن رەزەرۆتە تۇر. ەمدەۋگە جاتقىزىلعانداردىڭ ىشىندە 30 بالا رەانيماتسيا بولىمشەلەرىندە اۋىر جاعدايدا جاتىر, 1 جاسقا دەيىن – 15 بالا بار.
«قىزىلشا بويىنشا جاعدايدى تۇراقتاندىرۋ ماقساتىندا 1 جاستان 6 جاسقا دەيىنگى 600 مىڭنان استام بالا جوسپارلى يممۋنداۋمەن قامتىلدى, بۇل ۆاكتسيناتسيالاناتىنداردىڭ 84%-ىن قۇرايدى. جىل سوڭىنا دەيىن وسى جاس توبىنداعى 100 مىڭنان استام بالانى قامتۋ جوسپارلانىپ وتىر. سونىمەن قاتار قىزىلشاعا قارسى ۆاكتسينانىڭ قوسىمشا 1,5 ملن دوزاسى ساتىپ الىندى. بۇگىنگى تاڭدا 500 مىڭ دوزا كەلىپ ءتۇستى, جەلتوقسان ايىندا 1 ملن دوزا جەتكىزىلەدى دەپ كۇتىلەدى.
جالپى, قوسىمشا يممۋنداۋدىڭ تيىمدىلىگى 2005, 2015 جانە 2019 جىلدارداعى قىزىلشانىڭ الدىڭعى ءورشۋى كەزىندە دالەلدەندى», دەپ باياندادى دەنساۋلىق ساقتاۋ ءمينيسترى.
