فوتو: Instagram/afcentband
امەريكا اسكەريلەرى ديپلوماتيالىق ميسسيا شەڭبەرىندە اقش پەن قازاقستان اراسىنداعى دوستىق قارىم-قاتىناستى نىعايتۋ ماقساتىندا قازاقستانعا كەلدى.
انسامبل مۇشەلەرى قازاق ءتىلىنىڭ دىبىستالۋ ءۇنى ۇنايتىنىن, سونداي-اق قازاق ءتىلىن ۇيرەنگىسى كەلەتىنىن اتاپ ءوتتى.
اسكەري مۋزىكانتتار ونەر كورسەتكەن كونتسەرتتىڭ ءوزى استانادا ءوتتى دەگەن بولجام بار. قازاق حالقى شەتەلدىكتەردىڭ قازاقشا سوزدەردى دۇرىس ايتۋعا مۇمكىندىگىنشە تىرىسقانىن بايقاپ, ريزا بولدى.
ايتا كەتەيىك, انسامبل پاراقشاسىندا ولاردىڭ ۇجىمى 7 ەلگە بارىپ, سەرىكتەس ەلدەرمەن بەرىك قارىم-قاتىناس ورناتىپ, بارلىعى 13,1 ميلليون ادامنىڭ الدىندا ءان شىرقاعانى جازىلعان.
«وكىنىشكە قاراي, بۇل ءداۋىردىڭ اياقتالۋىن بىلدىرەدى. ويتكەنى بۇل – اۋە ۇلتتىق گۆاردياسىنىڭ سوڭعى توبى. ANG توپتارى كەلەسى جىلى زەينەتكە شىعادى, سوندىقتان Active Duty Bands اقش ۆۆس ورتالىق قولباسشىلىعىنا قولداۋ كورسەتۋدى جالعاستىرادى. ANG Bands 80 جىلدان استام ۋاقىت شتاتتا دا, شەتەلدە دە ءوز ميسسياسىن اتقاردى. ءبىز ەلىمىزگە قىزمەت ەتكەنىمىزدى ماقتان تۇتامىز», دەپ جازدى مۋزىكانتتار.
