para_karate_kazakhstan
سپورتتىڭ وسى تۇرىنەن الەمدىك سايىستى استانا قالاسى العاش رەت قابىلداپ وتىر. بىرنەشە مەملەكەتتەن كەلەتىن 300-گە جۋىق پارا كاراتە سپورتىنىڭ شەبەرلەرى دوداعا تۇسەتىن سايىسقا قاتىسۋشىلار 7-65 جاس ارالاعىندا. الەم چەمپيوناتى الەم بىرىنشىلىگى تۋريزم جانە Cپورت مينيسترلىگىنىڭ سپورت جانە دەنە شىنىقتىرۋ ىستەرى كوميتەتى, استانا قالاسىنىڭ دەنە شىنىقتىرۋ جانە سپورت باسقارماسى, پارا كاراتە فەدەراتسياسى مەن استانا قالاسى اكىمدىگىنىڭ «بجسم, مۇگەدەكتىگى بار ادامدارعا ارنالعان سپورت مەكتەبىنىڭ» قولداۋىمەن وتەدى.
تىرەك – قيمىل اپپاراتى, كورۋ مۇشەسى زاقىمدانعان, سونىمەن قاتار ينتەللەكتۋالدى دامۋ دەڭگەيى تومەن سپورتشىلاردىڭ دوداسى «بيلاين ارەنا» كەشەنىندە بولادى. «بۇل جارىستىڭ باستى ەرەكشەلىگى – دەنە مۇمكىندىگىندە دامۋ ەرەكشەلىكتەرى بار ادامداردىڭ بەلسەندىلىگىن وياتىپ, قوعامدىق ومىرگە تارتۋ, سونىمەن قاتار سپورتشىنىڭ دارىندىلىعىن دامىتۋ, وزدەرىنىڭ الەۋەتىن دالەلدەۋگە مۇمكىندىك تۋعىزۋ», دەدى پارا كاراتە فەدەراتسياسىنىڭ پرەزيدەنتى مەيرامگۇل دۇكيەۆا.
