جامبىل وبلىستىق پوليتسيا دەپارتامەنتىنە بيىلعى جىلدىڭ مامىر ايىندا قىزدىڭ اتا-اناسى ارىزدانعان. ولار 55 جاستاعى ەر ادامنىڭ ونىڭ كامەلەتكە تولماعان قىزىمەن جىنىستىق قاتىناسقا تۇسكەنى تۋرالى اقپارات بەرگەن. جابىرلەنۋشىنىڭ اتا-اناسىنىڭ سوزىنشە, باستاپقىدا 55 جاستاعى ەر ادام قىزىنا تەلەفون سىيلاپ, ارام ويىن جۇزەگە اسىرعان. قىز جۇكتىلىگىن بىلگەن سوڭ, بار شىندىقتى اناسىنا ايتۋعا وقتالعاندا ەر ادام جوعارى لاۋازىمدى قىزمەتتە تانىستارى بارىن العا تارتىپ, قاۋىپ توندىرگەن.
بۇگىنگى تاڭدا جامبىل وبلىستىق پوليتسيا دەپارتامەنتى وقيعاعا قاتىستى قىلمىستىق ءىس قوزعاعان.
«اتالعان فاكتى بويىنشا قر قك 120-ءبولىمىنىڭ 4-بابى بويىنشا قىلمىستىق ءىس تىركەلدى. ايىپتالۋشىنىڭ زورلاۋ جاساعانى دالەلدەندى, وعان قاتىستى قاماۋدا ۇستاۋ تۇرىندەگى بۇلتارتپاۋ شاراسى تاڭدالدى. قاراشا ايىندا قىلمىستىق ءىس سوتقا جولداندى. مەكتەپ باسشىلىعىنا قاتىستى قر قك 434-بابى, قىلمىس تۋرالى حابارلاماعانى ءۇشىن قىلمىستىق ءىس تىركەلدى. قر قىجك 201-بابىنا سايكەس, وزگە اقپارات جاريا ەتۋگە جاتپايدى. قازىر تەرگەۋ امالدارى جۇرگىزىلىپ جاتىر. سوندىقتان ول اياقتالعانشا ەشتەڭە ايتا المايمىن. كۇدىكتى «ايگولەك» مەملەكەتتىك بالاباقشاسىندا كۇزەتشى بولىپ جۇمىس ىستەگەن», دەلىنگەن دەپارتامەنت تاراتقان حابارلامادا.
