ماگومەد اديەۆ ۇلتتىق قۇراما ەۋرو-2024 جولداماسىن الۋعا ناقتى بەل بۋعانىن اتاپ ءوتتى.
«مەن ءۇشىن الىس ساپارعا شىعۋ قيىن ەمەس. ءبىز «دالا قاسقىرىمىز». بۇل ءاربىر قازاقستان ازاماتىنىڭ قانىندا بار. ءبىز جانكۇيەرلەردىڭ ءۇمىتىن اقتاپ, ەۋرو-2024 جولداماسىن العىمىز كەلەدى», دەدى م.اديەۆ باسپاسوز ءماسليحاتىندا.
سونداي-اق جاتتىقتىرۋشى قارسىلاس كوماندانىڭ بايسالدى ەكەنىن, ونىڭ لايىقتى كلۋبتاردا وينايتىن ساپالى ويىنشىلارى بار ەكەنىن ايتتى.
«ەڭبەك سولار جاعىندا, بىراق مىنەز بەن بىرلىك ءبىز جاقتا. ءبىز ويىن الدىندا بىردە-ءبىر كوماندادان جەڭىلگەن جوقپىز», دەدى ول.
ايتا كەتەيىك, شەشۋشى كەزدەسۋ قاراشانىڭ 20-نان 21-ىنە قاراعان ءتۇنى استانا ۋاقىتىمەن 01:45-تە «ستوجيتسە» ستاديونىندا وتەدى. جەڭىسكە جەتكەن جاعدايدا, كوماندا ءوز تاريحىندا العاش رەت فۋتبولدان ەۋروپا چەمپيوناتىنا جولداما الادى.
ەسكە سالايىق, جاقىندا ءبىزدىڭ كوماندا سان-مارينو كومانداسىن 3:1 ەسەبىمەن ۇتقان ەدى.
