سونىمەن 17 قاراشادا اتالىپ وتكەن حالىقارالىق شالا تۋعان بالالار كۇنىندە Pampers برەندى قازاقستانداعى قىزىل جارتى اي قوعامىمەن بىرگە «پەريناتولوگيا جانە بالالار كارديوحيرۋرگياسى ورتالىعىندا» ەرەكشە وتباسىلىق مەرەكە ۇيىمداستىردى. مەرەكە مەرزىمىنەن بۇرىن تۋعانداردى قولداۋعا باعىتتالعان «ەڭ كىشىلەرگە – ۇلكەن قامقورلىق» باستاماسىن مارەگە جەتكىزدى.
مەيرامنىڭ ەڭ باستى وقيعاسى – تورعايدا عانا بولىپ كەلگەن سابيلەرگە «كىشكەنتاي باتىر» سىيلىعىن تابىستاۋ بولسا, مەرزىمىنەن ەرتە تۋعان ءاربىر بالا Pampers كومپانياسىنىڭ سىيلىعى مەن «رۋح كۇشى جانە ءومىرىنىڭ العاشقى ساتىنەن وزىنە دەگەن سەنىمى ءۇشىن» ماقتاۋ قاعازىن الدى.
«بۇگىن ءبىز دۇنيەگە كەلۋگە اسىققان كىشكەنتاي باتىرلارمەن بىرگەمىز. سوندىقتان حالىقارالىق شالا تۋعان بالالار كۇنىن بىزبەن بىرگە تۋا سالىپ ومىرلەرىن كۇرەسپەن باستاعان جانە وسى جولدى باتىلدىقپەن جەڭە بىلگەن بۇلدىرشىندەر اتاپ ءوتىپ جاتىر. ەرەكشە مەرەكەگە وسى سابيلەردىڭ اكە-شەشەلەرىمەن بىرگە, وسى قيىندىقتاردى قوسىلا ەڭسەرگەن پەريناتالدى ورتالىقتىڭ دارىگەرلەرى دە قوسىلدى. شىندىعىندا بۇل مەرەكە – «ەڭ كىشىلەرگە – ۇلكەن قامقورلىق» كامپانياسىنا مۇرىندىق بولىپ وتىرعان ءبىزدىڭ كومپانيانىڭ دا قۋانىشى. ءبىز مۇنداي ساۋاپتى باستامانى قازاقستاندا ءبىرىنشى رەت قولعا الىپ وتىرمىز. ومىرگە شىر ەتىپ كەلگەن ساتىنەن باستاپ قيىندىقتارعا تاپ بولعان ونى جەڭە بىلگەن شارالانالار سالتاناتتى جاعدايدا قانداي قۇرمەتكە بولسا دا لايىقتى. «ەڭ كىشىلەرگە – ۇلكەن قامقورلىق» كامپانياسىنىڭ اياسىندا Pampers برەندى قازاقستانداعى ەڭ ءىرى التى پەريناتالدى ورتالىعى مەن ەلىمىزدەگى بالالار اۋرۋحانالارىنداعى شالا تۋىلعان شارانالارعا تەگىن تۇردە 650 مىڭنان اسا ارنايى جورگەك تاراتا وتىرىپ, سابيلەردى وڭالتۋدى قارجىلاندىرۋعا كومەكتەسەدى. ال شالا تۋعان سابيلەرگە ارنالعان جورگەكتەردى ءبىز قازاقستانعا تەگىن جەتكىزىپ, پەريناتالدى ورتالىقتار مەن پەرزەنتحالارعا تاراتىپ بەرەمىز, ساتىلىمدا جوق. مۇنداي جورگەكتەر اسا جۇمساق, قاۋىپسىز ماتەريالداردان جانە سالماعى ءبىر كيلوعا دا جەتپەي تۋىلاتىن بوپەلەردىڭ سالماعىنا, تەرىلەرىنىڭ تىم نازىكتىگىنە ەسەپتەلىنىپ جاسالعاندىقتان, بۇل اتا-انالارىنا دا ايتارلىقتاي كومەك», دەيدى ورتالىق ازياداعى Procter & Gamble باسشىسى رۋسلان گامزاەۆ.
قازاقستانداعى قىزىل جارتى اي قوعامىنىڭ باس ديرەكتورى مارات مەلدەحانوۆ بەدەلدى برەندپەن سەرىكتەسە جۇمىس ىستەپ وتىرعاندارىن مارتەبە تۇتاتىنىن ايتا كەلە: ء«بىزدىڭ ءبىرىنشى كەزەكتەگى مىندەتىمىز – جوبا ينفراقۇرىلىمىن ۇيىمداستىرۋ, ساپالى قولداۋ مەن قايىرىمدىلىق جوبانىڭ بارىنشا تيىمدىلىگىن قامتاماسىز ەتۋ بولدى», دەدى.
«شالا تۋعان بالالار جالپى سانىنىڭ تورتتەن ءبىر بولىگى, وتە ەكسترەمالدى دەنە سالماعىمەن – ءبىر كيلوگراممنان دا تومەن بولىپ دۇنيەگە كەلەدى. الايدا, جىل وتكەن سايىن مەديتسينانىڭ بۇل سالاسى دامىپ كەلە جاتقاندىقتان, دۇنيەگە كەلۋگە اسىققان بالالارعا قامقورلىق كورسەتۋ ءبىز ءۇشىن جەڭىلدەپ جاتىر», دەيدى پەريناتولوگيا جانە بالالار كارديوحيرۋرگياسى ورتالىعىنىڭ نەونتولوگياداعى مەديتسينالىق قىزمەتتەر ساپاسىن باقىلاۋ ءبولىمىنىڭ باسشىسى ءلاززات وڭالباەۆا.
مەرەكە كەزىندە دارىگەرلەردىڭ پەريناتالدى ورتالىقتا وزدەرى كىندىگىن كەسكەن دەنى ساۋ ءارى ءوسىپ قالعان بالالارمەن كەزدەسكەندە جان تولقىتارلىق اسەرلى ساتتەرى دە كوپ بولدى. ال «كەزىندە جانە قازىر» فوتوسۋرەتتەر كورمەسىنە شارانالاردىڭ ەندى تۋىلعان جانە ءوسىپ كەلە جاتقان كەزدەرىندەگى سۋرەتتەرى قويىلدى.
