ەسەپتى كەزەڭدە قازاقستان ەكونوميكاسىنىڭ ءوسۋ قارقىنى 4,9%-دى قۇرادى.
«وڭ ديناميكا ناقتى سەكتوردا – 3,8%, قىزمەت كورسەتۋ سالاسىندا – 5,4% ءوستى. قۇرىلىس, ساۋدا, اقپارات جانە بايلانىس, سونداي-اق كولىك سالالارىندا ەڭ جوعارى ءوسىم بايقالدى. نەگىزگى كاپيتالعا سالىنعان ينۆەستيتسيالاردىڭ ءوسۋ قارقىنى 12,6 پايىزدى قۇرادى. ينۆەستيتسيالار اعىنى كولىك جانە قويمالاۋدا – 58%, دەنساۋلىق ساقتاۋدا – 40%, ساۋدادا – 38%, ءبىلىم بەرۋدە – 18%, اۋىل شارۋاشىلىعىندا – 8,7%, ونەركاسىپتە – 8,3% ءوستى», دەدى مينيستر.
سونداي-اق الدىن الا قورىتىندى بويىنشا قاڭتار-قىركۇيەكتە سىرتقى ساۋدا تاۋار اينالىمى 2,4% ءوسىپ, 102 ملرد دوللاردى قۇرادى. ەكسپورت 57 ملرد-تان استام دوللاردى قۇراپ, ونىڭ ىشىندە وڭدەلگەن تاۋارلار ەكسپورتى 18 ملرد دوللارعا جەتتى, تاۋارلار يمپورتى 44 ملرد-تان استام دوللارعا جەتتى. وڭ ساۋدا بالانسى 13 ملرد دوللارعا تەڭ.
