«وقيعا 1 قاراشادا بولعان. تۇندە اقتوبە قالاسىنداعى ءىرى ساۋدا-ويىن ساۋىق ورتالىقتارىنىڭ بىرىندەگى دۇكەننەن اسا ءىرى كولەمدە التىن بۇيىمدار ۇرلانعان. زەرگەرلىك بۇيىمداردىڭ جوعالعانىن ساتۋشى كەلەسى كۇنى تاڭەرتەڭ بايقاعان. 29 جاستاعى كاسىپكەرگە كەلتىرىلگەن شىعىن كولەمى 25 ميلليون تەڭگەگە جۋىقتادى», دەپ جازىلعان حابارلامادا.
اتالعان دەرەك بويىنشا پوليتسيا قىزمەتكەرلەرى بەينەكامەرالاردىڭ جازبالارىن زەردەلەۋ كەزىندە مەديتسينالىق بەتپەردە كيگەن ەر ادامنىڭ ساۋدا ورنىنا جاسىرىن كىرىپ, شكافتان التىن بۇيىمداردى ۇرلاعانى انىقتالدى. پوليتسيا قىزمەتكەرلەرى جەدەل-ىزدەستىرۋ شارالارىن جۇرگىزۋ بارىسىندا كۇدىكتىنىڭ جەكە باسىن ء«ىزىن سۋىتپاي» انىقتادى. ول 25 جاستاعى اۋدان تۇرعىنى بولىپ شىقتى.
انىقتالعانداي, كۇدىكتى تۇنگى ۋاقىتتا ساۋدا-ويىن ساۋىق ورتالىعىنا كىرىپ, ءوزىنىڭ 3 سىبايلاسىمەن بىرلەسە ارەكەت جاساعان. ولار ورتالىقتىڭ ىشىندە ءبىر-بىرىمەن قۇلاققاپ ارقىلى بايلانىسىپ وتىرعان جانە وسى قىلمىستى جاساعاننان كەيىن ورال قالاسىنا بوي تاسالاعان. كۇدىكتىلەردىڭ بارلىعى بۇرىن سوتتالعان وبلىس تۇرعىندارى ەكەنى انىقتالىپ, 2 قاراشادا ولار كريمينالدىق پوليتسيا قىزمەتكەرلەرىمەن ورال قالاسىندا ۇستالدى.
ۇرلانعان التىن بۇيىمدار تاركىلەندى. قازاقستان رەسپۋبليكاسى قىلمىستىق كودەكسىنىڭ 188-بابىنىڭ 4-بولىگىمەن (ۇرلىق) قوزعالعان قىلمىستىق ءىس شەڭبەرىندە سوتقا دەيىنگى تەرگەپ-تەكسەرۋ جۇرگىزىلىپ جاتىر.
