فوتو: اشىق دەرەككوز
قۇجاتتا جانۋارلارعا قاساقانا زيان كەلتىرۋ, جاراقات سالۋ نەمەسە ولاردىڭ ولىمىنە اكەپ سوقتىرعان ارەكەت ءۇشىن اكىمشىلىك جاۋاپكەرشىلىكتى كۇشەيتۋ كوزدەلگەن. مۇنداي قۇقىق بۇزۋشىلىقتار ءۇشىن ايىپپۇل كولەمى ءىستىڭ اۋىرلىعىنا بايلانىستى بىرنەشە ەسەگە ارتادى. زاڭبۇزۋشىلىق قايتالانسا نەمەسە اۋىر بۇزۋشىلىق بولعان جاعدايدا قىلمىستىق جاۋاپكەرشىلىك قاتاڭداتىلادى. ءماجىلىستىڭ ءباسپاسوز قىزمەتىنىڭ مالىمەتىنشە, جازا رەتىندە 2000 اەك-كە دەيىن ايىپپۇل, تۇزەۋ جۇمىستارى نەمەسە قوعامدىق جۇمىستارعا تارتۋ قاراستىرىلعان.
ەلىمىزدە ءۇي جانۋارىن قاراۋسىز قالدىرعاندارعا ايىپپۇل ەنگىزىلەدى
اۋىرلاتۋشى جاعدايلار بولسا ءۇش جىلعا دەيىنگى مەرزىمگە بوستاندىقتى شەكتەۋ نەمەسە باس بوستاندىعىنان ايىرۋ, سونىمەن قاتار بەس جىلعا دەيىن بەلگىلى ءبىر لاۋازىمداردى اتقارۋ نەمەسە قىزمەتپەن اينالىسۋ قۇقىعىنان ايىرۋ جانە مۇلكىن تاركىلەۋ جازالارى قولدانىلۋى مۇمكىن. بۇدان بولەك, قۇقىق بۇزۋشىلىق قۇرالدارىن تاركىلەۋ جانە بولاشاقتا جانۋار اسىراۋ قۇقىعىنان ايىرۋ سياقتى قوسىمشا شارالار قاراستىرىلعان. سونىمەن بىرگە پروفيلاكتيكا جۇمىستارى دا كۇشەيتىلەدى. بۇل باعىتتا بالالارعا تاربيە بەرۋ, اعارتۋ جۇمىستارى جانە تابيعاتقا ىزگىلىكپەن قاراۋدى قالىپتاستىرۋعا بايلانىستى ءىس-شارالار وتكىزۋ قولعا الىنادى.
جانۋارلار تۋرالى زاڭعا ەنگىزىلگەن تۇزەتۋلەر: دەرەكتەر, تسيفرلار جانە وزگەرىستەردىڭ سەبەپتەرى
ايتا كەتەيىك, بۇعان دەيىن سەنات رەزونانس تۋدىرعان جانۋارلارعا قاتىستى زاڭدى ماجىلىسكە قايتارعانىن حابارلاعانبىز.
