وقيعا سەمەيدەگى جاڭا تۇرعىن ءۇي كەشەنىنىڭ بىرىندە بولعان. ستۋدەنت قوسىمشا تابىس تابۋ ءۇشىن جۇمىس ىستەپ جۇرگەن. سول ساتتە ول بەتون ارالاستىرعىشتى تازالاۋعا تىرىسقان كەزدە, قۇرىلعى ونىڭ قولىن تارتىپ اكەتكەن.
ەڭبەك ينسپەكتسياسى جۇرگىزگەن تەكسەرۋ ناتيجەسىندە جۇمىس بەرۋشى تاراپىنان بىرقاتار ورەسكەل زاڭبۇزۋشىلىقتار انىقتالعان. اتاپ ايتقاندا, قىزمەتكەرمەن ەڭبەك شارتى جاسالماعان, ەڭبەك قاۋىپسىزدىگى بويىنشا نۇسقاۋلىق وتكىزىلمەگەن, وقىتۋ جۇرگىزىلمەگەن جانە جازاتايىم وقيعالاردان ساقتاندىرۋ شارتى دا راسىمدەلمەگەن.
تەمىرتاۋدا قۇرىلىس الاڭىندا 3 بالانى توق سوقتى: قىلمىستىق ءىس قوزعالدى
اباي وبلىسى بويىنشا ەڭبەك ينسپەكتسياسى دەپارتامەنتىنىڭ باس مامانى تەمىرلان امىرتاەۆتىڭ ايتۋىنشا, جۇمىس بەرۋشىگە اكىمشىلىك جاۋاپكەرشىلىك جۇكتەلگەن.
«جۇمىس بەرۋشى ەڭبەك شارتىن جاساماعانى, ەڭبەكتى قورعاۋ بويىنشا نۇسقاۋلىق پەن وقىتۋ جۇرگىزبەگەنى جانە جازاتايىم وقيعالاردان ساقتاندىرۋ شارتىنىڭ بولماعانى ءۇشىن جاۋاپقا تارتىلدى», دەدى ول.
ستەپنوگورسكتە اۋرۋحانا قۇرىلىسىنا باقىلاۋ جاساماعان 2 شەنەۋنىك جاۋاپقا تارتىلدى
جەكە كاسىپكەرگە جالپى سوماسى 692 مىڭ تەڭگە (160 اەك) كولەمىندە التى اكىمشىلىك ايىپپۇل سالىندى. زارداپ شەككەن ازاماتقا كەلتىرىلگەن شىعىندى وتەۋ ءۇشىن سوتقا جۇگىنۋ ۇسىنىلدى.
ايتا كەتەيىك, بۇعان دەيىن دە ۇقساس جاعداي تىركەلگەن ەدى. كاسساتسيالىق سوت «قازاقمىس» كومپانياسىنىڭ قىزمەتكەرى بويىنشا ءىستى قاراپ, تومەنگى سوتتاردىڭ شەشىمىن وزگەرتىپ, جۇمىس بەرۋشىنىڭ 100% كىناسىن انىقتاپ, وتەماقى تولەۋدى مىندەتتەگەن بولاتىن.
نۇربولات امانبەك
