فوتو: اشىق دەرەككوز
ۇكىمەت باسشىسىنىڭ ايتۋىنشا, مادەنيەت مينيسترلىگى جازعى دەمالىس كەزىندە بالالاردىڭ مۋزەيلەر مەن تەاترلارعا, كىتاپحانالار, مادەني ورتالىقتار مەن ۇلتتىق ساياباقتارعا تەگىن بارۋ باعدارلامالارىن كەڭەيتۋى كەرەك.
«ەڭبەك جانە حالىقتى الەۋمەتتىك قورعاۋ مينيسترلىگى اكىمدىكتەرمەن بىرگە وقۋشىلار مەن ستۋدەنتتەردى ۋاقىتشا جۇمىسپەن قامتۋ جونىندە شارالار قابىلداۋعا ءتيىس, بۇل رەتتە بارلىق ەڭبەك قۇقىقتارى مەن قاۋىپسىزدىك نورمالارىن ساقتاۋ كەرەك. بوس جۇمىس ورىندارىنىڭ «جارمەڭكەلەرىن» جانە جۇمىسپەن قامتۋعا جاردەمدەسۋدىڭ باسقا دا نىساندارىن ۇيىمداستىرۋ قاجەت», دەدى پرەمەر-مينيستر.
ۇكىمەت باسشىسىنىڭ ايتۋىنشا, سونداي-اق از قامتىلعان وتباسىلار مەن اۋىلدىق جەرلەردەگى بالالاردىڭ بوس ۋاقىتىنا نازار اۋدارۋ كەرەك. كوپبالالى جانە از قامتىلعان وتباسىلاردان شىققان, سونداي-اق اۋىلدىق جەرلەردەگى بالالاردىڭ دەمالىسى مەن ولاردى ساۋىقتىرۋ شارالارىن ۇيىمداستىرۋعا باسىمدىق بەرىلۋى ءتيىس.
جالپى ۇيلەستىرۋ جۇمىسى پرەمەر-ءمينيستردىڭ ورىنباسارى – مادەنيەت جانە اقپارات ءمينيسترى ايدا بالاەۆاعا بەكىتىلدى.
مينيستر: بالالاردىڭ جازعى دەمالىسى جاڭا تالاپپەن ۇيىمداستىرىلادى
جاس ۇرپاقتى تاربيەلەۋدە مەملەكەتتىك قولداۋ شارالارى, بالالار دەمالىسىنىڭ ينفراقۇرىلىمىن دامىتۋ, قاۋىپسىزدىكتى قامتاماسىز ەتۋ, جازعى ەڭبەكپەن قامتۋ جۇمىستارىن ۇيىمداستىرۋمەن قاتار وتباسى مەن اتا-انانىڭ الاتىن ورنى ەرەكشە ەكەنى اتالىپ ءوتتى.
«بالانىڭ ومىرىندەگى ەڭ ماڭىزدى قۇندىلىق – ول ونىڭ وتباسى. اتا-انالار بالانىڭ ومىرىنە بەي-جاي قاراماي, ارالاساتىن ورتاسىن, قىزىعۋشىلىعى مەن بوس ۋاقىتىن قالاي وتكىزەتىنىنەن حاباردار بولۋى كەرەك. مەملەكەت باسشىسى اتاپ وتكەندەي, وتباسىندا اتا-اناسىنىڭ مەيىرىمىنە بولەنىپ, ءداستۇرىمىزدى ءبىلىپ, ەڭ جاقىن جانداردان ونەگە الىپ وسكەن بالا ءوز بويىنا ادالدىق, ەڭبەكقورلىق جانە ازاماتتىق جاۋاپكەرشىلىك قاسيەتتەرىن سىڭىرگەن جەكە تۇلعا رەتىندە قالىپتاسادى», دەدى ولجاس بەكتەنوۆ.
بۇعان دەيىن بالالار قاۋىپسىزدىگى ءۇشىن 7 مىڭعا جۋىق سايتقا شەكتەۋ قويىلعانى ايتىلعان.
