فوتو: istockphoto.com
پوليتسيا مالىمەتىنشە, جول-كولىك وقيعاسى 25 مامىر كۇنى 20:16-دا پوتانين كوشەسىندە بولعان. الدىن الا دەرەك بويىنشا, 24 جاستاعى جۇرگىزۋشى Porsche Cayenne ماركالى كولىگىمەن كامەلەتكە تولماعان جاياۋ جۇرگىنشىنى قاعىپ كەتكەن.
اۋىر جاراقات سالدارىنان 12 جاستاعى قىز وقيعا ورنىندا قازا تاپقان.
پوليتسيا اتالعان فاكتى بويىنشا قىلمىستىق ءىس قوزعالىپ, وقيعانىڭ بارلىق ءمان-جايى انىقتالىپ جاتقانىن جەتكىزدى.
قۇزىرلى ورگانداردىڭ مالىمەتىنشە, جۇرگىزۋشى تۋىسىنىڭ كولىگىن تىزگىندەگەن. وقيعادان سوڭ كىنالى ۋاقىتشا ۇستاۋ يزولياتورىنا قامالعان.
ەسكە سالا كەتەيىك بۇعان دەيىن قاراعاندىدا كولىك ستۋدەنت قىزدى قاعىپ كەتىپ, بويجەتكەن وقيعا ورنىندا كوز جۇمعان ەدى.
