فوتو: istockphoto.com
مەكتەپ بىتىرۋشىلەر ءساندى كەشتەردىڭ ورنىنا يگى ىستەردى تاڭداعان. ولار وزدەرىنىڭ ەڭ ماڭىزدى كۇنىندە «جان الەمى» وتباسىلىق رەابيليتاتسيالىق ۇيىنە, بالالارعا ارنالعان عىلىمي ورتالىققا, №2 مامانداندىرىلعان بالالار ۇيىنە جانە قيىن جاعدايدا قالعان كوپبالالى وتباسىنا كومەك كورسەتكەن.
ءبىر ايدان سوڭ مەكتەپ ءبىتىرۋ كەشى وتەدى: قىمبات كەش − مارتەبە مە, ىسىراپ پا؟
تۇلەكتەر اتالعان مەكەمەلەرگە ويىنشىقتار, كەڭسە تاۋارلارى, ازىق-ت ۇلىك ونىمدەرى جانە تۇرمىستىق تەحنيكا رەتىندە تەلەديدار تابىس ەتكەن. بۇل كومەك الەۋمەتتىك تۇرعىدان ءالسىز توپتارعا قولداۋ كورسەتۋگە باعىتتالعان.
ۇيىمداستىرۋشىلاردىڭ ايتۋىنشا, مۇنداي فورماتتاعى ءبىتىرۋ كەشى جاستاردىڭ قوعامعا دەگەن جاۋاپكەرشىلىگىن ارتتىرىپ, قايىرىمدىلىق مادەنيەتىن دامىتۋعا ىقپال ەتەدى.
سوڭعى قوڭىراۋ: ەلىمىزدە 215 مىڭنان استام تۇلەك مەكتەپپەن قوشتاستى
يگى باستاما الەۋمەتتىك جەلى قولدانۋشىلارى اراسىندا كەڭ قولداۋ تاۋىپ, كوپشىلىك تۇلەكتەردىڭ ادامگەرشىلىك پەن جاناشىرلىعىنا ءتانتى بولدى.
ايتا كەتەيىك, بۇعان دەيىن اتالعان ماسەلەگە قاتىستى ءماجىلىس دەپۋتاتى اسحات ايماعامبەتوۆ پىكىر ءبىلدىرىپ, ەلىمىزدەگى كوپتەگەن مەرەكەنىڭ الدەقاشان «داڭعويلىق جارمەڭكەسىنە» اينالىپ كەتكەنىن ايتقان بولاتىن. دەپۋتات كەيبىر وتباسىلاردىڭ ءبىتىرۋ كەشىنە 300 مىڭنان باستاپ, ءبىر ميلليون تەڭگەگە دەيىن سۇرالاتىنىنا شاعىمداناتىنىن ايتتى.
بيىل وقۋ جىلىن اياقتاعان وقۋشىلار سانى سوڭعى 25 جىلداعى ەڭ جوعارى كورسەتكىشكە جەتتى
