فوتو: كولىك مينيسترلىگى
قازاقستاندا جازعى دەمالىس جانە مەكتەپ كانيكۋلى كەزەڭىندە كولىك قاتىناسىنىڭ قولجەتىمدىلىگىن ارتتىرۋ بويىنشا قوسىمشا شارالار قابىلدانۋدا. جولاۋشىلار سۇرانىسىنىڭ ارتۋىنا بايلانىستى كولىك مينيسترلىگى كولىك كومپانيالارىمەن بىرلەسىپ سۇرانىسقا يە تۋريستىك باعىتتار بويىنشا تەمىرجول مارشرۋتتارى مەن اۋە رەيستەرىنىڭ سانىن كوبەيتىپ جاتىر.
مينيستر: بالالاردىڭ جازعى دەمالىسى جاڭا تالاپپەن ۇيىمداستىرىلادى
تەمىرجول تاسىمالى
2026 جىلدىڭ جازعى ماۋسىمىندا 15 قوسىمشا تەمىرجول مارشرۋتى ۇيىمداستىرىلادى. قوسىمشا پويىزدار 2026 جىلعى 16 ماۋسىمنان باستاپ قاتىناي باستايدى.
باعىتتار قاتارىندا استانا, الماتى, قاراعاندى, اقتوبە, سەمەي, وسكەمەن, قىزىلوردا جانە پاۆلودار قالالارىنان دوستىق پەن بالقاش سەكىلدى تۋريستىك جانە كۋرورتتىق ايماقتارعا قاتىنايتىن پويىزدار بار.
اتالعان شارالار جازعى كەزەڭدە پويىزداردا شامامەن 550 مىڭ قوسىمشا ورىن اشۋعا مۇمكىندىك بەرەدى.
سونىمەن قاتار جولاۋشىلار اعىنىنىڭ ارتۋىنا قاراي قولدانىستاعى پويىز قۇرامدارى كەزەڭ-كەزەڭىمەن ۇلعايتىلاتىن بولادى. جازعى ماۋسىمدا پويىز قۇرامدارى ورتا ەسەپپەن 19-21 ۆاگونعا دەيىن كوبەيەدى. ال ماۋسىمارالىق كەزەڭدە بۇل كورسەتكىش 13-15 ۆاگوندى قۇرايدى.
سونداي-اق 2026 جىلعى 1 ماۋسىمنان باستاپ قاراعاندى – بالقاش باعىتى بويىنشا №219/220 جولاۋشىلار پويىزى ىسكە قوسىلادى.
جازعى دەمالىستا بالالارعا ارنالعان 11 مىڭنان اسا ورتالىق جۇمىس ىستەيدى
اۋە تاسىمالى
2026 جىلدىڭ ماۋسىم-تامىز ايلارى ارالىعىندا استانا – بالقاش, ءۇرجار, ءۇشارال جانە الماتى – بالقاش, ءۇرجار, ءۇشارال باعىتتارى بويىنشا اپتاسىنا 7 رەيسكە دەيىن قوسىمشا اۋە رەيستەرى اشىلادى.
اتالعان باعىتتار بويىنشا اۋە بيلەتتەرىنىڭ قۇنى الەۋمەتتىك قولجەتىمدى دەڭگەيدە ساقتالادى – 16 مىڭنان 20 مىڭ تەڭگەگە دەيىن. بۇل كوپتەگەن وتباسىلارعا ەلىمىزدىڭ تۋريستىك ايماقتارىندا جازعى دەمالىستى قولجەتىمدى ۇيىمداستىرۋعا مۇمكىندىك بەرەدى.
2026 جىلى قازاقستاندا اپتاسىنا 813 رەيس جيىلىگىمەن 60 ىشكى اۋە باعىتى بويىنشا تۇراقتى رەيستەر ورىندالادى. تۇراقتى اۋە مارشرۋتتارىن سۋبسيديالاۋ باعدارلاماسى اياسىندا 24 باعىتتى, ونىڭ ىشىندە 16 تۋريستىك باعىتتى قولداۋعا 6,4 ملرد تەڭگە كولەمىندە قارجى قاراستىرىلعان.
قابىلدانىپ جاتقان شارالار ىشكى ءتۋريزمدى دامىتۋعا, وڭىرلەردىڭ كولىك قولجەتىمدىلىگىن ارتتىرۋعا جانە جازعى دەمالىس كەزەڭىندە ازاماتتاردىڭ جايلى ءارى قاۋىپسىز ساپار جاساۋىنا قوسىمشا مۇمكىندىك بەرەدى.
31 شىلدەدەن باستاپ الماتىدان يزميرگە تىكەلەي رەيستەر اشىلادى
