فوتو: اشىق دەرەككوز
بۇگىن, 6 مامىردا ءماجىلىس «جول قاۋىپسىزدىگىن تسيفرلاندىرۋ جانە جۇرگىزۋشىلەردى دايارلاۋ سالاسىنداعى كاسىپكەرلىك قىزمەت ماسەلەلەرى بويىنشا كەيبىر زاڭنامالىق اكتىلەرگە وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ءبىرىنشى وقىلىمدا ماقۇلدادى. تالقىلاۋ بارىسىندا دەپۋتات دميتري كولودا كولىكتى قىزدىرۋعا قاتىستى شەكتەۋلەر ماسەلەسىنە نازار اۋداردى.
سەنات رەزونانس تۋدىرعان جانۋارلارعا قاتىستى زاڭدى ماجىلىسكە قايتاردى
ء«بىر جىل بۇرىن قوعامدا كولىكتى قىزدىرۋعا سالىناتىن ايىپپۇلدارعا بايلانىستى قىزۋ پىكىرتالاس بولعان ەدى. ءبىز بۇل ماسەلەنى شەشۋدىڭ ءتۇرلى جولدارىن ۇسىندىق. وسى زاڭ جوباسىندا ەلدى مەكەندەردە قىس مەزگىلىندە اۆتوكولىكتى جىلىتۋعا سالىنعان تىيىمدى تولىق الىپ تاستاۋ ۇسىنىلدى. الايدا تۇرعىن ءۇي اۋماقتارىندا, ءتيىستى جول بەلگىسى بار جەرلەردە شەكتەۋ ساقتالادى», دەدى دەپۋتات.
سانجار ءادىلوۆ بۇل ماسەلە جۇمىس توپتارىندا تالقىلانعانىن ايتتى. ۆەدومستۆو بۇل تىيىمدى الىپ تاستاۋ يدەياسىن قولدايدى.
ءماجىلىس مەملەكەتتىك قىزمەت تۋرالى زاڭ جوباسىنىڭ جاڭا رەداكتسياسىن ءبىرىنشى وقىلىمدا ماقۇلدادى
«قازىرگى تاڭدا اتالعان زاڭ جوباسى اياسىندا شەكتەۋدى الىپ تاستاۋ قاراستىرىلىپ جاتىر. ياعني اۋا رايى جاعدايلارىن ەسكەرە وتىرىپ, كەيبىر نورمالار وزگەرتىلەدى. مىسالى, تۇرعىن ءۇي ايماقتارىنان باسقا جەرلەردە تىيىم الىنىپ تاستالۋى مۇمكىن. بىراق زاڭ جوباسى ءالى ەكىنشى وقىلىمنان وتەدى. سول سەبەپتى ناقتى شەشىمدى تەك سودان كەيىن عانا ايتۋعا بولادى», دەدى ءىىم اكىمشىلىك پوليتسيا كوميتەتى زاڭ دەپارتامەنتى باسشىسىنىڭ ورىنباسارى ەرمەك شۇلدەن.
