فوتو: gov.kz
ءماجىلىستىڭ جالپى وتىرىسىندا دەپۋتات باقىتجان بازاربەك ادام ولىمىمەن اياقتالعان جول-كولىك وقيعالارىنا كىنالى كەيبىر ازاماتتاردىڭ جالعان نومىرلەردى قولداناتىنىن ايتتى.
ونىڭ ايتۋىنشا, قىلمىستىق كودەكستىڭ 386-بابى تەك مەملەكەتتىك نومىرلەردى قولدان جاساۋ جانە ولاردى وتكىزۋ ارەكەتتەرىن عانا رەتتەيدى. ال جالعان نومىرلەردى پايدالانۋ قۇقىق بۇزۋشىلىق ەكەنىنە قاراماستان اكىمشىلىك جاۋاپكەرشىلىككە جاتقىزىلعان.
«اكىمشىلىك قۇقىق بۇزۋشىلىق تۋرالى كودەكستىڭ 590-بابىنا سايكەس, جالعان ءنومىر پايدالانعان تۇلعاعا 15 ايلىق ەسەپتىك كورسەتكىش (64 875 تەڭگە) كولەمىندە ايىپپۇل سالىنادى. بۇل ايىپپۇل اسا اۋىر جازا ەمەس. ال مۇنداي ارەكەتتەردىڭ سالدارىنان ادام شىعىنى بولىپ جاتىر. قايتالانعان جاعدايدا 20 اەك (86 500 تەڭگە) ايىپپۇل نەمەسە ءبىر جىلعا جۇرگىزۋشى كۋالىگىنەن ايىرۋ قاراستىرىلعان», دەدى دەپۋتات.
ورالدا كولىگىنە قاعازدان جاسالعان جالعان ءنومىر تاققان جۇرگىزۋشى جاۋاپقا تارتىلدى
وسىعان بايلانىستى ول مۇنداي قۇقىق بۇزۋشىلىق ءۇشىن قىلمىستىق جاۋاپكەرشىلىك ەنگىزۋدى ۇسىندى.
ۆيتسە-مينيستر سانجار ءادىلوۆ بۇل ماسەلەنىڭ وزەكتى ەكەنىن راستادى. ونىڭ سوزىنشە, جالعان نومىرلەر كوبىنە قىلمىستىق توپتار تاراپىنان ءتۇرلى پايداكۇنەمدىك جانە م ۇلىكتىك قۇقىقبۇزۋشىلىقتار جاساۋ كەزىندە قولدانىلادى.
«جول-كولىك وقيعالارىنا قاتىستى دا جالعان ءنومىر قولدانۋ فاكتىلەرى كەزدەسەدى. قازىرگى تاڭدا ءنومىردى قولدان جاساعانى ءۇشىن قىلمىستىق جاۋاپكەرشىلىك قاراستىرىلعان. دەگەنمەن, قىلمىستىق كودەكستىڭ 385-بابىنا ۇقساس تۇردە, ياعني قولدان جاساۋمەن قاتار ونى پايدالانعانى ءۇشىن دە قىلمىستىق جاۋاپكەرشىلىك ەنگىزۋ ماسەلەسىن قاراستىرۋ ورىندى. مەملەكەتتىك تىركەۋ نومىرلىك بەلگىسى – جول قاۋىپسىزدىگىنىڭ ماڭىزدى ەلەمەنتى», دەدى سانجار ءادىلوۆ.
ەلىمىزدە جالعان نومىرمەن جۇرگەن 900-دەن استام جۇرگىزۋشى ۇستالدى
ىشكى ىستەر مينيسترلىگى دەپۋتاتتىڭ بۇل ۇسىنىسىن قىلمىستىق زاڭنامانى قايتا قاراۋ اياسىندا زەردەلەپ كورمەك.
