ۆيتسە-ءمينيستردىڭ ايتۋىنشا, قىلمىستىق ءىس بويىنشا تەرگەۋ جۇمىستارى سوڭعى ساتىعا جەتكەن.
«الماتىداعى جول-كولىك وقيعاسىنا قاتىستى ءىس اياقتالۋ ساتىسىندا تۇر. الداعى كۇندەرى ءىس ماتەريالدارى الدىمەن جابىرلەنۋشى تاراپقا تانىسۋ ءۇشىن ۇسىنىلادى, ودان كەيىن كۇدىكتى مەن ونىڭ قورعاۋشىسىنا بەرىلەدى», دەدى سانجار ءادىلوۆ.
ايتا كەتەيىك, وقيعا 21 ناۋرىز كۇنى ءال-فارابي داڭعىلى بويىندا بولعان. جول-كولىك وقيعاسى كەزىندە قارسى باعىتقا شىققان Zeekr كولىگى Mercedes اۆتوكولىگىمەن سوقتىعىسقان. اپات سالدارىنان كولىكتەگى ءۇش ادام وقيعا ورنىندا قازا تاپقان.
قازىر Zeekr جۇرگىزۋشىسى تەرگەۋ يزولياتورىنا قامالعان. بۇعان دەيىن ول مەديتسينالىق مەكەمەدە كۇزەتپەن بولعانى حابارلانعان.
زاڭ بويىنشا, بۇل ءىس بويىنشا كىنالى دەپ تانىلعان جاعدايدا 8 جىلعا دەيىن باس بوستاندىعىنان ايىرۋ جازاسى قاراستىرىلۋى مۇمكىن.
ايتا كەتەيىك, ىشكى ىستەر ءمينيسترى ەرجان سادەنوۆ ءال-فارابي داڭعىلىندا بولعان جول اپاتىنا بايلانىستى جاساعان مالىمدەمەسىندە بىرنەشە پوليتسيا باسشىسىنىڭ قىزمەتىنەن بوساتىلعانىن مالىمدەگەن بولاتىن.
