فوتو: gov.kz
مايدانگەرگە قورعانىس ءمينيسترىنىڭ اتىنان العىس حات تاپسىرعان پودپولكوۆنيك الماسبەك بۇحارباەۆ ازات ەتۋشى باتىرلاردىڭ ماڭگى ەستە ساقتالاتىنىن, ال ارداگەرلەرگە قامقورلىق جاساۋ – ءار اسكەري قىزمەتشىنىڭ مىندەتى ەكەنىن اتاپ ءوتتى.
ماريا كۋرباتوۆا 1923 جىلى 29 قازاندا پاۆلودار وبلىسىنا قاراستى ۆورونتسوۆكا اۋىلىندا دۇنيەگە كەلگەن. ەكىنشى دۇنيەجۇزىلىك سوعىسى كەزىندە ول كوشپەلى گوسپيتالدا جارالىلارعا كومەك كورسەتتى. 1943 جىلى مايدانعا بارار الدىندا ماسكەۋ وبلىسىنداعى مەرگەندەردى دايارلاۋ جونىندەگى نۇسقاۋشىلاردىڭ ورتالىق مەكتەبىن ۇزدىك ءتامامدادى.
اعا سەرجانت ماريا كۋرباتوۆا 138-ءشى قىزىل تۋ اتقىشتار ديۆيزياسى 650-ءشى سۋۆوروۆ وردەنى اتقىشتار پولكىنىڭ قۇرامىندا شايقاسقان. ۋكراينا, پولشا, چەحوسلوۆاكيانى ازات ەتۋگە اتسالىسقان.
سوعىس اياقتالعاندا پاۆلودارعا ورالىپ, ورتا مەكتەپتە العاشقى اسكەري دايىندىق پانىنەن ساباق بەردى. ماريا دانيلوۆنا وتان سوعىسى, جۋكوۆ وردەندەرىمەن, «ەرلىگى ءۇشىن», «جاۋىنگەرلىك ەڭبەگى ءۇشىن», «گەرمانيانى جەڭگەنى ءۇشىن» مەدالدارىمەن ماراپاتتالعان.
اسكەري قىزمەتشىلەردىڭ كورسەتكەن قامقورلىعىنا مايدانگەردىڭ تۋىستارى ريزالىقتارىن ايتىپ, العىستارىن ءبىلدىردى.
