فوتو: اشىق دەرەككوز
ەڭ الدىمەن ءوزىڭىزدىڭ جەكە كۋالىگىڭىزدى جانە تۋ تۋرالى كۋالىگىڭىزدى الىپ, تۇرعىلىقتى مەكەنجايىڭىز بويىنشا حالىققا قىزمەت كورسەتۋ ورتالىعىنا جۇگىنۋىڭىز قاجەت. كەيىن, نە سەبەپتى اۋىستىرايىن دەپ جاتقانىڭىز بويىنشا ءوتىنىش جازاسىز.
ء«بىرىنشى تۋ تۋرالى كۋالىكتى اۋىستىرىپ الۋ قاجەت, سودان كەيىن عانا باسقا قۇجاتتاردى (جەكە كۋالىك, جۇرگىزۋشى كۋالىگى, تولقۇجات, زەينەتاقى كەلىسىمشارتى) اۋىستىراسىز. ەگەر اتىڭىزعا كولىك تىركەلگەن بولسا, ونىڭ تەحنيكالىق پاسپورتىن دا اۋىستىرۋ قاجەت», دەيدى حقكو قىزمەتكەرى.
ايتا كەتۋ كەرەك, تەگىڭىز اۋىسقان جاعدايدا بارلىق قۇجاتتى اۋىستىرۋ مىندەتتەلمەيدى. ماسەلەن, ديپلوم, اتتەستات سەكىلدى ءبىلىم تۋرالى قۇجاتتارمەن قاتار تەك, ەسىم, اكەسىنىڭ اتى اۋىسقانى تۋرالى كۋالىكتى نەمەسە نەكە تۋرالى كۋالىكتى كورسەتۋ جەتكىلىكتى.
قۇجاتتاردىڭ دايىن بولۋ ۋاقىتىنا كەلەر بولساق, ءار قۇجات ءارتۇرلى قاراستىرىلادى. تۋ تۋرالى كۋالىك ءۇش جۇمىس كۇنىنىڭ ىشىندە قاراستىرىلادى, ال جەكە كۋالىك, تولقۇجات ون بەس جۇمىس كۇنىنىڭ ىشىندە دايىن بولسا, كولىك جۇرگىزۋ قۇجاتى ەكى ساعاتتىڭ ىشىندە دايىن بولادى.
