فوتو: سپورتتى دامىتۋ ديرەكتسياسى
كۋميتە باعدارلاماسىندا قايسار الپىسباي جارتىلاي فينالدا الەم چەمپيونى اندجەلو كرەشەنتسونى (يتاليا) 5:1 ەسەبىمەن ۇتتى. ەندى ول التىن مەدال ءۇشىن گرەكيالىق حريستوس-ستەفانوس كسەنوسپەن سايىسادى.
ايتا كەتسەك, ق.الپىسباي قازىر WKF كاراتەدەن الەم رەيتينگىندە 7-ورىندا تۇر. ول – پرەمەر-ليگا ساناتىنداعى باسەكەدە 3 مارتە توپ جارعان جانە بيىل وتكەن ازيادانىڭ چەمپيونى.
ال ءمولدىر جاڭبىرباي الەم رەيتينگىنىڭ كوشباسشىسى ۆەنەسۋەلا كاراتەشىسىن ايقىن باسىمدىقپەن تىزەرلەتىپ (11-3) سەنساتسيا جاسادى. م.جاڭبىرباي جۋىردا ازيادادان ەلگە كۇمىس جۇلدەمەن ورالعان.
سونداي-اق جەكسەنبى كۇنى ديدار ءامىرالى (67 كگ) جانە سوفيا بەرۋلتسەۆا (+68 كگ) قولا مەدال ءۇشىن جەكپە-جەكتەر وتكىزەدى.
WKF كاراتەدەن حالىقارالىق دارەجەدەگى تورەشى, ۇلتتىق قۇرامانىڭ باس باپكەرى قىزمەتىن اتقارعان اسقار مولداعالي سپورتتى دامىتۋ ديرەكتسياسىنىڭ ءباسپاسوز قىزمەتىنە بەرگەن سۇحباتىندا: «بۇل ەلىمىز ءۇشىن تاريحي ءسات! العاش رەت ەكى سپورتشىمىز الەم چەمپيوناتىنىڭ فينالىندا. وسىعان دەيىنگى ءىرى جەتىستىگىمىز – دارحان ءاسادىلوۆتىڭ 2008 جىلى العان كۇمىس مەدالى ەدى. ەكى فينالمەن قوسا ەكى قولا ءۇشىن جەكپە-جەك كۇتىپ تۇر. جالپى ەرەسەكتەر اراسىندا بىزدەن WKF كاراتەدەن الەم چەمپيونى شىقپاعان. جاستار, جاسوسپىرىمدەر ساناتىندا جەڭىمپازدار بار. ءساتىن سالىپ, ەلگە ەكى التىنمەن قايتۋعا بارىمىزدى سالامىز», دەدى.
ەسكە سالايىق, WKF كاراتەدەن ۇلتتىق قۇراما XIX جازعى ازيا ويىندارىنا 8 سپورتشى اپارىپ, بارلىعى جۇلدەگە يە بولعان (3 التىن, 3 كۇمىس, 2 قولا). سونداي-اق بيىل ازيا چەمپيوناتىندا العاش رەت جالپى ەسەپ بويىنشا توپ جاردى.
انىقتاما رەتىندە ايتا كەتسەك, قازاقستان وسىعان دەيىنگى الەم چەمپيوناتتارىندا 1 كۇمىس پەن 10 قولا ەنشىلەگەن.
