فوتو: اشىق دەرەككوز
قاۋىمداستىق ەرەجەسى بارلىق TikTok پايدالانۋشىلارى ءۇشىن جالپى مىنەز-ق ۇلىق كودەكسى بولىپ سانالادى, ول پلاتفورماداعى بارلىق مازمۇنعا قولدانىلادى. ماسەلەن, مۇنداي ساياسات جاستاردىڭ قاۋىپسىزدىگى مەن يگىلىگى, ەرەسەكتەرگە ارنالعان تاقىرىپتار, اقپاراتتىڭ شىنايىلىعى, ۇسىنىستار ارناسىن قابىلداۋ ستاندارتتارى سىندى باسقا تاقىرىپتىق سالالار بويىنشا ۇيىمداستىرىلعان جانە ءار بولىمدە قولدانۋشىلار رۇقسات ەتىلگەن مازمۇن بويىنشا انىقتامالاردى, تۇسىنىكتەمەلەردى, ناقتى مىسالدارى بار قوسىمشا اقپاراتتاردى الا الادى.
قازىرگى تاڭدا الەم بويىنشا TikTok-تا قولدانۋشىلاردىڭ قاۋىپسىزدىگىنە 40 مىڭنان استام ادام جۇمىس ىستەپ وتىر.
قىسقا بەينەباياندار جاساۋعا ارنالعان پلاتفورما ء وز قاۋىمداستىعى الدىندا اشىقتىق پەن ەسەپ بەرۋدى قامتاماسىز ەتىپ وتىرۋ ماقساتىندا جويىلعان بەينەروليكتەر مەن ەسەپتىك جازبالار تۋرالى اقپاراتتى ۇدايى جاريالايدى.
سوڭعى قاۋىمداستىق ەرەجەلەرىن ساقتاۋدى قامتاماسىز ەتۋ ەسەبىنە سايكەس, 2023 جىلدىڭ ەكىنشى توقسانىندا قاۋىمداستىق ەرەجەسىن بۇزعانى ءۇشىن بۇكىل الەمدە 106.476.032 بەينەروليك جويىلسا, وسى ارالىقتا قازاقستاندا بارلىعى 950.247 بەينەروليك وشىرىلگەن.
ءبىرىنشى كەزەكتە اتالمىش پلاتفورما جەتكىنشەك جاستاعى قولدانۋشىلاردىڭ قاۋىپسىزدىگىن قامتاماسىز ەتۋگە ءمان بەرەدى. ونىڭ ۇستىنە TikTok – بۇل تەك 13 جانە ودان جوعارى جاستاعى قولدانۋشىلارعا ارنالعان پلاتفورما: مۇندا جاڭا قولدانۋشىدان تۋعان كۇنىن, جىلىن تولىق كورسەتۋدى تالاپ ەتەتىن تىركەۋ فورماسى بار. مۇنان دا بولەك, پلاتفورمانىڭ مودەراتورلار كومانداسى ەسەپتىك جازبالار 13 جاسقا تولماعان بالاعا تيەسىلى بولۋى مۇمكىن بەلگىلەردى بايقاۋعا ۇيرەتىلگەن. ەگەر قاۋىپسىزدىك كومانداسى تىركەلگى كىشكەنتاي بالاعا تيەسىلى دەپ ەسەپتەسە, وندا ول بۇعاتتالادى.
TikTok - 13 جاسقا تولماۋىنا بايلانىستى جويىلعان تىركەلگىلەردىڭ سانىن اشىق تۇردە كوپشىلىككە جاريالاعان ەڭ العاشقى ءىرى پلاتفورما. وسىلايشا 2023 جىلدىڭ ەكىنشى توقسانىندا بۇكىل الەم بويىنشا 13 جاسقا تولماعان قولدانۋشىلاردىڭ 18 823 040 ەسەپتىك جازبالارى جويىلدى. سونداي-اق پلاتفورما 18 جاسقا تولماعان قولدانۋشىلار ءۇشىن TikTok-تاعى تاجىريبەسى بارىنشا قاۋىپسىز ءارى جاسىنا سايكەس بولۋىن كەپىلدەندىرۋ ماقساتىندا بىرقاتار شەكتەۋلەر ەنگىزگەن.
