قولونەر شەبەرلەرى

«فەستيۆالدى ۇيىمداستىرۋداعى ماقسات – حالىقتىق قولونەردى, سالت-ءداستۇر, مادەنيەتىمىزدى ناسيحاتتاي وتىرىپ, جاس ۇرپاقتىڭ بويىنا ءسىڭىرۋ جانە دارىپتەۋ. وعان قوسا, وبلىس ورتالىعى قوناەۆ قالا­سىن­داعى مادەني ءىس-شارالاردىڭ جاندانۋىنا اتسالىسۋ. بۇگىنگى فەستيۆالدا زەرگەرلىك ونەر, قىشتان قۇمىرا جاساۋ, كيىز باسۋ, كەستە توقۋ سىندى قولونەر تۇرلەرىمەن تانىسۋعا بولادى. شاراعا شىم­كەنتتەن زەرگەرلىك ونەردىڭ حاس شە­بەرى, قازاقستان سۋرەتشىلەر وداعىنىڭ مۇشەسى اشىربەك جەلدىباەۆ باستاپ, اس­تانا قالاسىنان بەرىك ءالىباي ۇلى, جەتىسۋ وبلىسىنان ەسجان احمەتوۆ, ال­ماتى وبلىسىنان ۇلتتىق نا­قىشتا اياقكيىم تىگۋدىڭ شەبەرى اسەل ومىر­بەكوۆا, تىزبەلەي بەرسەك ءار ءوڭىردىڭ كەڭ تانىلعان قولونەر مايتالماندارى قا­تىسۋدا», دەگەن فەس­تيۆالدى ۇي­ىمداستىرۋشى, قازاقستانعا بەل­گىلى قول­ونەر شەبەرى داۋ­لەت دار­كەم­باي ۇلى وسىنداي ءىس-شا­رالار ارقىلى قول­ونەر شە­بەرلە­رىنىڭ ءىسىن ىلگەرى­لەتىپ, كا­سىبىن كە­ڭەيتۋگە مەملەكەت تاراپىنان قولداۋ كورسەتىلىپ قالار دەگەن ءۇمىتى بارىن ايتىپ قالدى.

«بۇرىندارى «اتاكاسىپ» دەگەن ارنايى باعدارلاما بولعان ەدى, قازىر ول جۇمىس ىستەمەيدى. ال وسى شەبەرلەردىڭ اراسىندا وتاندىق ءونىم شىعاراتىن ەلى­مىزگە عانا ەمەس, الەمگە ايگىلى ازاماتتار بار. بىراق ولارعا مەملەكەت تاراپىنان قولداۋ كەمشىن», دەگەن پىكىرىن ءبىلدىردى.

قازاقستاننىڭ تۇكپىر-تۇكپىرىنەن جينالعان شەبەرلەردىڭ قىش قۇمى­رالارى, زەرگەرلىك بۇيىمدارى, اعاش, تابيعي تەرى مەن توقىما, كيىز ونىمدەرىنەن جاسالعان زاتتارى قويىلعان كورمە جۇ­مىسى قىزا ءتۇستى.

شەبەرلەردىڭ قولونەر بۇيىمدارىنا قىزىعۋشىلىق تانىتقان تۇرعىندار وزدەرىنە قاجەتتى زاتتارىن ساتىپ الىپ, قۋانىشقا كەنەلدى. اسىرەسە جامبىل اۋدانىنداعى ۇزىناعاش اۋىلىنان كەلگەن «قادام kz» برەندىنىڭ نەگىزىن قالاۋشى اسەل بولاتقىزىنىڭ تازا تەرىدەن تىگىلگەن ۇلتتىق ناقىشتاعى اياقكيىم­دەرى كوپ نازارىن اۋدارتتى. ول تازا بىلعارىدان ايەلدەر مەن ەرلەرگە, بالا­لارعا ارنالعان اياقكيىمدەر تىگۋمەن تۇراقتى تۇردە اينالىسىپ كەلەدى.

«2015 جىلى ءوز ونىمدەرىمىزدى شى­عارا باستادىق. بۇعان دەيىن شەتەلدىك كورمەلەرگە دە قاتىستىم. ءبىز جاساعان اياقكيىمدەردى سينگاپۋرلىقتار, جا­پوندىقتار, قىتايلار, يتاليالىقتار كيىپ ءجۇر. الەمگە اتى ايگىلى ديماش قۇدايبەرگەننىڭ دە جەكە تاپسىرىسىن ورىندادىق», دەگەن وتاندىق اياقكيىم تىگۋدىڭ شەبەرى قازىر نارىقتا ۇلتتىق ناقىشتاعى كيىم-كەشەككە سۇرانىس ارتىپ وتىرعانىن العا تارتتى.

ء«بىزدىڭ ماقسات – ۇلتتىق قۇندى­لىقتارىمىزدى دارىپتەۋ, قازاقى ويۋ­مەن ورنەكتەلگەن اياقكيىمدەردى كۇن­دەلىكتى قولدانىسقا ەنگىزۋ. ول ءۇشىن اياقكيىمدەردىڭ باعاسىن قولجەتىمدى ەتتىك, 6 مىڭ تەڭگەدەن 120 مىڭ تەڭگەگە دەيىن باعالانادى. قازىر ۇجىمدا 5 ما­مان بار. تاعى دا ۇيرەنەمىن, وسى سالانى مەڭگەرەمىن دەۋشىلەر بولسا, ەسى­گىمىز ءاردايىم اشىق. ءبىزدىڭ ونىمدەر الماتىداعى بازارلاردا, ونلاين ساۋدا ورتالىقتارىنا قويىلعان. حالىق اراسىنان سۇرانىس جىلدان-جىلعا ارتىپ كەلەدى», دەدى اسەل بولاتقىزى.

ۇلتتىق اياقكيىم تىگۋ شەبەرىنىڭ بۇل ويىن استانالىق زەرگەر بەرىك ساتىن­بەك ۇلى دا قۇپتاي كەتتى.

«ۇلتتىق ونەرىمىزدىڭ كەنجەلەپ قال­عان كەزدەرى بولدى. سوعان قاراماستان, اتامۇرامىزدان قول ۇزبەدىك. مەنى اتام, اكەم زەرگەرلىككە بالا جاسىمنان باۋلىدى. قازىر بالالارىم دا زەرگەرلىكپەن اينالىسادى. راسىندا دا, وتاندىق ونىمگە سۇرانىس وتە جوعارى. سوندىقتان ەلىمىزدىڭ باس قالاسىنان جەكە مۋزەيىمدى دە اشتىم. وسىنداي شارالار كوپتەپ ۇيىمداستىرىلىپ, قازاقى مادەنيەت, سالت-سانا, ادەت-عۇرپىمىز ناسيحاتتالىپ جاتسا نۇر ۇستىنە نۇر», دەيدى شەبەر.

شەبەرلىكتىڭ بيىك شى­ڭىنا ەسەلى ەڭبەكپەن عانا شىعۋعا بولاتىندىعىن پاش ەتكەن قولونەر شەبەر­لەرىنىڭ فەس­تيۆالىنە كەلگەن قالا جۇرتشىلىعى مەن جاستار ۇستالىقتىڭ, قىش­تان قۇمىرا جاساۋدىڭ, ءجۇن ءيىرىپ, توقىما تو­قۋ­دىڭ, كەستە تىگۋدىڭ ءادىس-تا­سىل­­دەرىنە كوز جۇگىرتىپ قانا قوي­ماي, شەبەرلىك دارىستەرىن دە تا­ماشالادى.

الماتى وبلىسى