فوتو: اقوردا
پرەزيدەنتكە CITIC Group كومپانياسى مەن قازاقستاننىڭ بۇعان دەيىن قول جەتكىزگەن ۋاعدالاستىقتارىنىڭ جۇزەگە اسىرىلۋ بارىسى تۋرالى مالىمەت بەرىلدى.
مەملەكەت باسشىسى تۇراقتى كەزدەسۋلەر اراداعى ىنتىماقتاستىقتىڭ ستراتەگيالىق سيپاتىن بىلدىرەتىندىگىن, بيىل مامىر ايىندا ءبىزدىڭ وتاندىق سەرىكتەستەرىمەن CITIC Construction كومپانياسى جالپى ينۆەستيتسيا كولەمى 2 ميلليارد دوللار بولاتىن جوبالاردى ىسكە اسىرۋ جونىندەگى 5 قۇجاتقا قول قويعاندىعىن اتاپ ءوتتى.
«ماڭىزدى جوبالاردىڭ ءبىرى – اقتاۋداعى Caspi Bitum زاۋىتىنىڭ مۇناي وڭدەۋ قۋاتىن جىلىنا 1,5 ميلليون تونناعا دەيىن جەتكىزۋ. ماعان «قازمۇنايگاز» بەن CITIC Group اراسىندا ءتيىستى كەلىسىمگە قول قويىلعانى جونىندە مالىمەت بەرىلدى. قۇرىلىس سالاسىندا مول تاجىريبەڭىز بار ەكەنىن ەسكەرسەك, بۇل جوبا ساپالى ءارى قىسقا مەرزىم ىشىندە جۇزەگە اسىرىلادى دەپ ويلايمىن», دەدى مەملەكەت باسشىسى.
قازاقستان تاراپىمەن ءوزارا ءتيىمدى ىنتىماقتاستىقتى جوعارى باعالاعانىن ايتقان CITIC باسقارما توراعاسى چجۋ حەسين ء«بىزدىڭ سITIC كورپوراتسياسى قازاقستاندا تابىستى جۇمىس ىستەپ جاتىر. ماعان جانە مەنىڭ ارىپتەستەرىمە بۇگىن سىزبەن جۇزدەسۋ – زور مارتەبە. ءبىزدىڭ قىزمەتىمىزدىڭ نەگىزگى ماقساتى – قازاقستانمەن اراداعى ىنتىماقتاستىقتى نىعايتۋ», دەدى.
بۇدان بولەك, كەزدەسۋ بارىسىندا ينۆەستيتسيا جانە اگروونەركاسىپ كەشەنى سالالارىنداعى ىنتىماقتاستىق پەرسپەكتيۆالارى قاراستىرىلدى.
