فوتو: اشىق دەرەككوز
نەسىپبەك ايت ۇلى 1950 جىلى شىعىس تۇركىستاننىڭ تارباعاتاي ايماعىندا تۋعان. اقىن, مەملەكەتتىك سىيلىقتىڭ لاۋرەاتى (2012ج), قازاقستاننىڭ ەڭبەك سىڭىرگەن قايراتكەرى (2011), «پاراسات» وردەنىنىڭ يەگەرى(2004). تاڭدامالى جەتى تومدىعى «فوليانت» باسپاسىنان (2015 ج.) جارىق كورگەن ەپيك اقىن.
ەڭبەك جولىن شۇبارتاۋ اۋداندىق «جاڭا ءومىر» گازەتىندە باستايدى. 1974 جىلى قازاق مەملەكەتتىك ۋنيۆەرسيتەتىنىڭ جۋرناليستيكا فاكۋلتەتىن بىتىرگەن.
1974-1984 جىلدارى «بالدىرعان» جۋرنالىنىڭ پوەزيا ءبولىمىنىڭ مەڭگەرۋشىسى, «جالىن» باسپاسىندا رەداكتور. 1984-1994 جىلدارى قازاقستان جازۋشىلار وداعىندا ادەبي كەڭەسشى. 1995-1996 جىلدارى «اقىن» قاۋىمداستىعىنىڭ ديرەكتورى. 1997-2001 جىلدارى «قازاق ادەبيەتى» گازەتىندە سىن ءبولىمىنىڭ, «جۇلدىز» جۋرنالىندا پوەزيا ءبولىمىنىڭ مەڭگەرۋشىسى.
2001 جىلدان باستاپ استانا قالاسىنا قونىس اۋدارىپ, ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە, پرەزيدەنتتىك مادەنيەت ورتالىعىندا قىزمەت ىستەگەن.
سوڭعى قىزمەتى – استانا قالاسىنداعى س.سەيفۋللين اتىنداعى مۋزەي ديرەكتورى.
ن. ايت ۇلى – ءان-ولەڭ جانرىنا دا ەرەكشە ۇلەس قوسقان اقىن. ونىڭ ء«ان دومبىرا», «سارىارقا», «داۋرەن-اي», «ارمان», «داريعا, داۋرەن», «قازاقتاي ەل قايدا» سەكىلدى كوپتەگەن تۋىندىلارى حالىقتىڭ سۇيىكتى تاڭدامالى انىنە اينالعان.
